احساس قاتل بالوحدة

احساس قاتل بالوحدة

اشعرباحساس خانق وقاتل بالوحدة ..لا اعرف لم اعد استطيع التواصل مع احد من حولى ..
لم يعد لدى جديد ..لا فى حياتى و لا لدى مواضيع جديدة اتحدث بها مع احد
بالرغم من محاولاتى الكثيرة للتغلب على مرضى ولكنى اشعر الآن باننى لم اعد قادرة على شئ ولم اعد استطيع مواصلة الحياة .. اعترف اننى انا من بدأت بالبعد عن اصدقائى واقاربى
ولكن كل ذلك بسبب ظروفى التى لم يقدرها احدا من حولى ولم يحاول احدهم مساعدتى بشكل حقيقى فى اجتيازها .. انا الآن تعبااااااااااااااااانة جدا ا..لم اعد اطيق هذه الحياة بالرغم من ايمانى بان الله سبحانه وتعالى له حكمة فى كل ما يحدث لى من ابتلاءات ونا صابرة عليها والحمدلله ولكنى اشعر بالم ووحدة شديدة و اغتراب .. يتزايد يوما بعد يوم بالر غم من تحسنى الفترة الماضية على العلاج ومحاولاتى المستميتة فى الا افكر فيما يضايقنى وان ابتعد عن همومى قدر المستطاع ولكن اشعر اننى اغرق من جديد فى بحر من الاحزان ........ الحمدلله على كل حال ..,,ربما هذه الكلمات قد تساعدنى فى الخروج مما انا فيه الآن ..

المصدر: نفساني

عطر الياسمين ..

أولا .. اسمك أو معرّفك حلووو كتير ..

تانيا .. بالنسبة للوحدة .. لا تستسلمي لها أبداا .. حاولي تكوني شقيه كده وعانديها ..

وطلعي لسانك لها وقوليها ياأنا ياأنت .. _ >>> بتكلم بجد مش بهزر


تالتا .. خلينا نبدأ نشيل إحساسك بالوحده من دلوقتي .. ونتعرف على بعض .. إيه رأيك ..؟؟


_

شكرا حبيبتى ..واكيد يسعدنى اننا نكون اصدقاء .. انا والله بأحاول ان اتغلب على احساسى ده على قد ما اقدر ..بس احيانا باتعب وما باقدرش اكمل ..

طالما إنتي بتحاولي .. إذاً خليكي متطمنة .. كل شي ح يزول بس تدريجياً .. خليكي واثقة من كده ..

إنتي مصريه ياعطر ..؟؟؟

آه .. انا مصرية ..وانتى كمان يا اينار؟

المشكلة الاكبر بالنسبة لى ان مابقاش عندى هدف فى الحياة

لازم يكون عندك هدف بالحياه

ليه مايكون هدفك رضى الله والسعاده في الدارين

وكلنا هنا صديقاتك يالغاليه
من اليوم ماراح تحسي بالوحده ابد

وراح يكون هذا الموضوع (يجمعنا بك دائما)

أنا يمنيه مصريه .. وحاليا عايشه في مصر ..

.
.

بالنسبة للهدف .. إيه هي هواياتك إللي كنتي ديما تحبي تمارسيها .. ؟؟

إيه أكتر حاجه كنتي بتحلمي بيها ..؟؟

ربنا يخليكى يا مرمر يا رب ..انا سعيدة اوى انى يكون لى اصدقاء حلوين زيكم ..
والله انا راضية بما قسمه الله لى وباحاول اقرب من ربنا ،بس احيانا بتتجمع همومى كلها مرة واحدة فو ق رأسى !!

المشاركة الأصلية كتبت بواسطة اينار

أنا يمنيه مصريه .. وحاليا عايشه في مصر ..
.
.
بالنسبة للهدف .. إيه هي هواياتك إللي كنتي ديما تحبي تمارسيها .. ؟؟
إيه أكتر حاجه كنتي بتحلمي بيها ..؟؟

يعنى من اصل يمنى بس ؟ ولا هناك اصول مصرية ..يمكن نطلع اقارب ..ههه
تصورى يا اينار ..من كتر الكآبه ,,نسيت هواياتى اللى كنت باحبها زمان !!

المشاركة الأصلية كتبت بواسطة أمورة نفساني

لازم يكون عندك هدف بالحياه
ليه مايكون هدفك رضى الله والسعاده في الدارين
وكلنا هنا صديقاتك يالغاليه
من اليوم ماراح تحسي بالوحده ابد
وراح يكون هذا الموضوع (يجمعنا بك دائما)

ربنا يخليكى يامرمر .. الحمد لله باحاول اقرب من ربنا ..والله المستعان..
وطبعا هابقى سعيدة اننا نكون دايما على تواصل ..

انا كنت زماااااااااااااان ..باحب القراءة ..بس ما اعرفش ما بقاش لى صبر دلوقتى ان اقرأ موضوع طويل مثلا !!

والدي يمني .. ووالدتي مصرية ..

إنت تدرسي .. ؟؟

المشاركة الأصلية كتبت بواسطة عطر الياسمين

انا كنت زماااااااااااااان ..باحب القراءة ..بس ما اعرفش ما بقاش لى صبر دلوقتى ان اقرأ موضوع طويل مثلا !!

ممتااااز .. بدأنا نسترجع الذكرياات أهو _

تتذكري الكتب إللي كنتي تحبي تقرأيها ..؟؟

المشاركة الأصلية كتبت بواسطة اينار

والدي يمني .. ووالدتي مصرية ..
إنت تدرسي .. ؟؟

لأ ..انا متخرجة من مدة