|
ابغى ارتاح في حياتي تعبت من اللي فيني؟؟ساعدوني
السلام عليكم ورحمة الله وبركاته
عندي مشكلة لي فترة أعاني منها وهي إذا زعلت أو أنقهرت احس انها آخر الدنيا وتجيني اعراض متعبة اخر مرة كنت زعلانه بعدها جاني صداع شديد ودوخة وفجأة ماصرت اشوف كل شي صار اسود خفت وجلس قلبي يدق بسرعة وانقطع النفس عندي توقعتها سكتة دماغية اوجلطة ورحت للطوارئ وعملوا لي كل التحاليل وأخر شي الدكتور يقول مشكلة نفسية وضغوط تمرين فيها لانك انتي صغيرة على الجلطات عمري 29سنة
وبعدها صرت في صراع نفسي كل ماعصبت تجيني الدوخة وبعض الاحيان احس بخدر في وجهي ويدي ورجلي اليسار ..كل الدكاترة يقولون اني اتوهم
طيب كيف مااعصب واصير رايقة وهادية مع العلم ان شخصيتي حساسة بزيادة أزعل بسرعة واتحسس من اي كلمة مع العلم اني ماكانت شخصيتي كذا صحيح ازعل بسرعة واتحسس بس الحين صار يجيني مع الزعل اعراض (طبعا هذي الاعراض صارت ملازمتني بعد وفاة الوالد بجلطة قلبية صرت اتخيل اني بموت مثله من الزعل لانه قبل مايموت كان يشتكي من يده اليسارووجهه)
هل فيه شي يريح اعصابي واصير هادية وهل استعمال حبوب سبيرالكس تساعد في تعديل المزاج؟؟
هل في حبوب لتعديل المزاج اقدر اطلبها من دكتورتي لاني اراجع دكتوره نفسية؟؟
وجزاك الله كل خير ووفقك في الدنيا والاخرة
|
25-05-2010, 10:26 PM
