احمرار الوجه..

احمرار الوجه..

السلام عليكم ..
انا صراحة مش عارفة من وين ابدأ , مشكلتي تزداد سوء يوم عن يوم , مشكلتي الاساسية احمرار الوجه ..
انا طالبة جامعية وادرس لغة انجليزية ..ولحد الان ما اقدر اتكلم ولا كلمة في المحاضرات لاني ببساطة اخجل ..
ايوه اخجل واتلعثم لما اتكلم مع انه مستواي جيد في الانجليزية ودخلته عن حب وقناعة ..لكن للاسف ما اقدر استمتع بتخصصي متل غيري ..يعني لما اجي بدي اتكلم اخاف وجهي يحمر وبخاف الكل يصير يضحك ويعلق ..انا حيرانة شو اعمل ..بحس كل الكلمات ضايعة مني لما اقرر اني احكي ..وبفضل الصمت اللي شكلي رح اموت بسببه ..
ووزيادة عن هيك لما اي شب يحكي معي بحس ماء مغلي واندار علي ..ووجهي صار متل البندورة واكتر ..تصوروا اي كلمة ولو كانت بسيطة ما اتحمل واخجل جداااا ..لدرجة انه البنات صاروا يقولوا عني معقدة ..تصوروا لو شب طب فيي بالغلط وقلي اسف بصير بموقف لا احسد عليه خاصة انه زميلاتي صاروا يركزوا اكتر وانا ما بعرف كيف اتصرف..طبعا انا مو قصدي اني اصير احكي مع الشباب و اقلل ادب بس الشي ومنه ..
انا عايشة بفلسطين وما عنا دكاترة نفسيين اروح عندهم مع اني بحاجة جدا الهم وحتى لو موجودين اهلي ما يخلوني ..مع انه انا بعتبر الاشي اكتر من عادي ..! اصلا اهلي هم السبب باللي انا في .. همي اللي خلوني انعزل وما اعرف كيف اتصرف مع الناس والحياة الاجتماعية ..بحجة انه عيلتنا الها مركز ومكانة بالمجتمع فممنوع تطلعي مع زميلاتك وممنوع وممنوع ..كله ممنوع لحتى تعقدت وصرت متل ال... استغفر الله ..
انا سمعت عن دواء اسمه سيروكسات بس اسمعت عن اعراضه الجانبية متل زيادة الوزن وتاثيره عالانجاب بالمستقبل ما بعرف اذا كلامي صح ولا فيه غلط ..بس المهم انه بدي هلأ دوا لانو ماعاد فيي اكتر من هيك بس ما بدي اله اعراض بعرف هذه مستحيل بس ارجوكم ما بدي وزني يزيد ولا اتأثر خاصة انه اهلي لو عرفوا انه بدي اخذ دوا الا يقبروني ويحسبوا الله ما خلقني ..ااااااااااااااااخخخخخخخخخخ ..الواحد ما بقدر يقول الا ييييييييااااااااااا رب ...ارجوكم اي دوا يريحني ولا بموت بهمي صدقوني حياتي ما لها معنى ..نفسي اكون متل غيري ..ساعدوني ..وبدي استفسر هل اللي بعاني منه رهاب ولا بس خجل ..؟
وشكرا ..

المصدر: نفساني