|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
12-02-2011, 03:57 AM
|
#1 | ||||
|
عضو نشط
تناثر الرماد في الظلام
|
تكفى يادكتور ريحني الله يريحك تعبت انا مرره><"
السسلام عليكم ورحمه الله وبرركاته
اتمنى من الله ان يوفقك ويعينك على حل لمشكلتي :( انا يادكتور بنت ابلغ من العمر 20 عاام ومطلقه وملكني شاب عمره 22 عاام طبعاا بس صارت خطبه وملكه بدون زواج لكن انا الان اعتبر زوجته  هو الان مبتعث في الخارج ليكمل دراسته وانا اكلمه على الماسنجر واكلمه على الجوال اكثر وقتي مشكلتي اني احبه كثيررر وهو كمان لكن فيه عيب بسيط مشكلته يادكتور انه يكلم بنات في المنتديات ><" انا دايم اراقبه واعرف الباسوورد حقه واذا دخلت لقيته يرد على البنااااات انا قلت له لاتكلم بناات اوعدني قال اوعدك ولكنه اخلف اليوم يادكتور تلقيت اتصال منه وفي اثناء حديثه قال لي فيه بنت ارسلت لي رساله خااصه تقول ليش انا ماارد عليها والله سالت دمعتي وقلت له الله يخليك ياعبدالله لاترد عليها قال رديت قبل لاتقولين ادخلي وشوفي الرسائل الخاصه دخلت يادكتور الرسائل الخاصه ولقيت البنت مرسله له هذي الرساله (مرحبا عبادي احم احم انا حنين < اخبارك ان شاء الله تمام ,,وفي اتم الصحه والعافيه ..وبعد المهم عندي سؤال مجنني ومهم تجاوبني عليه : في الفتره الأخيره ماصرت تكلمني بشكل طبيعي اممم !!! مع اني كلمتك وسألتك بس تجاهلت سؤالي وهذا شي غريب فقلت اكيد انك زعلت مني .طبعا ازعجني اني ماأكلمك زي اول لأنو تعرف دائما نستهبل ونألف قصص عالميه وووو بعض التخريفات وانت من الأعضاء الي اعتز بمعرفتهم وبصراحه ماأعرف اتجاهل شخص بدوون سبب مقنع اتمنى منك تقول اذا زعلتك في شي عشان اعتذر منك او اذا ماودك تكلمني يعني عشان اسبابك الخاصه ياليت تقولي عشان ماأحس بتأنيب الضمير ... انتظر ردك اوك لا تنسى واذا كنت مو زعلان ابغاااك تتابع فلم اسمه .....الخ لانه مره حلو وشكرا )) يادكتور انا سالت دمعتي منقهررررررررررررررررررررررررررره ودي ارسل لها رساله واقول لها لاتكلمين زوجي و..الخ بس خفت زوجي يزعل وتصير مشااكل خلاص انا تعبت ليش تجري ورا الرجال وش اسوي انا راح زوجي رد على رسالتها وقال بمعنى الرساله (اهلا سهلا بك يااحنين انا الحمدلله بخيررر واتمنى انك بخير انا والله احترمك كثير و انتي بكل فخر افتخر بعقليتك النظيفه و الشهمه بنفس الوقت وانا مو مثل ما قلتي اني زعلان عليك وانا اعتذر اني انقطعت كذا فجأه وخليتك تحسين اني زعلان بدون قصد وماني زعلان ابد انتي ماسويتي لي شي يزعل نهائي وهي مثل ما تقولين امم حاجات خاصه خلتني كذا و لا استطيع التصريح بها نهائي وكانت المشاريع و القصص جميله جدا معك وعلى الفلم انا ان شاااء الله بتاابعه واسميه عندي باسمك هههههه باااي) انا على طول قفلت السماااعه بوجهه من قريت الرساائل تألمت كثيررررر يادكتور وهذا لسى ماتجمعنا في بيت واحد كيف لو تجمعنا ببيت واحد وش راح يصير انا فرحت انه خلاني اشوف الرسائل بس زعلانه كثيررررررررررر انه كلم البنت كان يقولي حرام هي مسكينه وتحب لي الخير وتبي تعرف ليش انا طنشتها قلت له قولها انك متزوج قالي لا مااراح اقول لها وزعلت منه وصرت ماادق عليه ويدق وماارد عليه ومره قالي انها ذكيه مرررره وذكاااائها يعجبني قلت له بس انا احبك اكثر منهاااااا مارد علي وغير الموضوع والله يادكتور اني ابكي وبقوووووووووووووووه اش اسوي هل اعاقبه على كلامه ولا اش اسوي هو يكلم البنات بالمنتدى لكن والله الحق ينقال انه يتكلم معهم باحترام بس انا قلبي يتقطع زوجي بعيد عني وبغربه مااقدر اكلمه وجه لوجه واتفاهم معه ودي اعرف يادكتور ليش قام يرسل للبنات رسائل وليش يرد عليهم طيب هل فيه طريقه تخليني احل الوضع واخليه ينسى البنات انا والله مو مقصره معه بكل شي ارسل له رسائل ادق عليه دايم واكلم اهله و..الخ مو مقصره نهااائيااا هل يادكتور تعتقد ان النقص فيني انا او انه مراهق ويحتاااج لصبر وعلاج بالله قولي يادكتور انا مستعده اني احااول اعالجه واخليه يمشي لطريق الصح بس ماني عارفه اش اسوي قبل شوي ارسلت له رساله قلت له فيها (ياخسسااره انا احسب انك انت مثلي مغنيني عن كل الاولاد لكن طلعت انت مو مثلي للاسف ><" انا مااغنيتك عن البنات ياخساااره ) ارسل لي بعدها وقال انا اسفه معليش ><" اتمنى انك تقدر تساعدني وجزااك الله الفردوس الاعلى همسه// حابه اسال هل هذا القسم صحيح خاص ><" لان ماابي زوجي يشوف الموضوع لانه عااارفه اني مسجله هيناا وانا خايفه يشوووف الموضوووع ><" وجزااك الله خير انتظر ردك يادكتور . . ظل فتاه المصدر: نفساني
|
||||
|
|
|
12-02-2011, 06:21 PM
|
#2 | ||
|
مستشار
|
أختي الفاضلة ظل فتاة:
أولا أحب اهنيكي على أخلاقك العالية وإخلاصك لزوجك بل إحترامك لنفسك وشرفك قبل كل شيء ثانيا: نعم هذا القسم خاص لايطلع عليه الا الادارة وأهل الاختصاص رغم اني اتمنى ان زوجك يطلع عليه ليفهم أحقيتك في اخلاصه لك ثالثا: أحب أطمنك على زوجك فهو ليس سيء بالصورة اللي تخوف وانتي بنفسك قلتي عنه يكلمهم باحترام ولو ماقلتيها كنت انا راح أقولها. فأنا زوجتي تغار كثيرا عندما تجدني ارد على فتاة أو انثى أو امزح معها رغم انه مزح بريء وأعتبرها اختا لي ولكني لا ألوم زوجتي كما أنها تقدّر لي براءتي وحسن نيتي وتشهد عليها وربما مايضايقك هما أمران: الأول هو انه بعيد عنكِ والثاني هو خوفك من وجود حب أو مودة زائدة تجاه إحداهن مما قد يجعله يفضل بعض صفاتها على بعض صفاتك ولا ألومك في ذلك ولكنك قلتِ شيئا بين لي انك ناضجة وعاقلة أكثر مما تتصورين عن نفسك وعن غيرتك وهي قولك: اقتباس:
وليس سواليف ومزح واعجاب، ولكنهم أحبوا حبا عذريا وفارقوا فراق نهائي في بيت الزوجية ونسوا الماضي بسببين: الأول: هو ان معدنهم طيب وهم طيبين والمسأله كانت مراهقة وفراغ ليس الا، الثاني: أن زوجاتهم ملؤوا الفراغ بكفاءة عالية ولكني لازلت أقول لكِ: ان كنتي متأكدة من براءته من الخبث فاصبري وادعي الله ان يصلحه لكِ وأكثري من معاتبته والتغلي عليه وهجره ان تطلب الأمر فسوف يصلطلح ويكون زوجا صالحا ان شاء الله وإن كنتِ غير متأكدة من براءته (وهذا من حقك طالما انت وهو مرتبطان، فمن حقك ان يقطع كل العلاقات اكراما لكِ) فأعطيه مهلة واضغطي عليه فإن أصر فاتركيه وسيعوضك الله أحسن منه، فهو لن يكون طيبا ان هانت عليه كرامتك |
||
|
|
|
12-02-2011, 11:37 PM
|
#3 | |
|
عضو نشط
تناثر الرماد في الظلام
|
الله يريحك يادكتووور ريحتني كثيرررر
الحمدلله فكرت ان الغلط مني انا ان شااء الله راح اسمع كلامك واسوي الي قلت لي عليه وزادكم الله من فضله ونفع بكم الاسلام والمسلمين |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
