شيبت بي هالحاله !! وماعاد احس بشبابي مرره :(

شيبت بي هالحاله !! وماعاد احس بشبابي مرره :(

السلام عليكم ورحمة الله وبركاته

من زمان عن المنتدى انا احس اني ما ادخله الا اذا جاني بلاي

لان احس انتم الناس الوحيدين الي بتفهموني

ياعالم رجع بلاي بس بشكل ثاني هو صح اخف بس برضو اعتبره في مستوى انه بيأثر في حياتي

تدرون اني اليوم ونا اصلي الظهر فجأه شميت ريحه حلوه نسبيا ونا اصلي

قمت اقول ياويلي وش ذا الريحه

لايكون هذي الريحه اللي يشموها الناس قبل يموتون وابدي عاد يالوساوس والنفس السريع والهبوط

لدرجة اني قطعت صلاتي لاني ماعدت اقدر اركز ورحت ادور اشمشم لين اكتشفت انها ريحة

الغدا


.. .. .. :(

لا وحلمت حلم وبالعاده انا الي ادور رموز احلامي واشوف معناها وابدا اقيس على نفسي

واذا كان احدى معاني هالرموووز موت تعالوا شوفوا وش يصير فيني سبحان الله اترك كل المعاني الحلوه الي احيانا فيها طول العمر وابدا اقلق وامرض من هالمعنى

تصدقون لدرجة انه بدا ياثر في تركيزي بالدروس

حتى القولون صار يثور علي من كثر التفكير

ارقتني هالحاله كثير والله احسني صرت عجووووووووز وشيبت من هالحاله :frown:

تعبت والله

المصدر: نفساني

اي نسيت اقول اني خايفه خايفه خايفه

مرعوووووووووووووووبه

وعلى الدوام :"(

ماشاء الله اختي الله يشفيكي ضحكتني بخصوص الريحه و انصحك لاتحاولين تفسرين اي شي تحلمين فيه لانو الشيطاان همو الواحد يشغل الواحد و ينكد عليه حياتي انت مافيك شي و ان شااء الله خير

ياقلبي بالنسبة لتفسير الأحلام ترى طريقتك غلط أنا كنت زيك مرت علي فترة مدري وش جاني على
الاحلام كل ماحلمت حلم رحت أبحث عن معنى الرمز وكذا مرة يطلع لي تفسير الحلم موت بس سألت
مفسر أحلام قال لي الطريقة هذي غلط يقول :


من الخطأ التفسير بهذه الطريقة

بالبحث عن التفسير بالكتب سواءاً بالكتاب الذي يُنسب لابن سيرين أو غيره

فالتفسير ليس هكذا أبداً

فما فسره ابن سيرين لغيرك لا ينطبق عليكِ

وقد وَجدتُ في تعبير الرؤى أنه من الصعب حصر معاني رمز واحد فمهما جمعنا معاني الرمز إلا أنه يختلف معنى الرمز من حلم لآخر ومن شخص لآخر

فكل يوم أكتشف معاني لبعض الرموز لم أقرأ عنها أبداً إنما من الرؤيا وجمع رموزها على معنى واحد متناسق

يعني لازم تقولين تفاصيل الحلم للمفسر والأفضل انك تتعوذين من الشيطان وماتفسرينها

جزاك الله خير الاخ ميراك ولو انها صعب علي اقنع نفسي ان مافيني شي جدان صعبه :( اوكي يمكن اتجاهل الامر باي طريقه لكن من جوا صعب اني اقنع نفسي اني مافيني شي صعبه والله

الاخت سحر تفاجأت لاني من زمان ونا اقرا في هالرموز وافسر لكن اقنعني جدان كلام هالمفسر خصوصا ان اكثر الاشياء اللي افسرها اتفائل من برا بس من جوا شعوووري جدان سلبي عشان كذا بقتنع بكلامه ونا مغمضه دامه رح يبعد عني شعور الكوارث الي احس اني معرضه لها دائما ياكافي


جزاكم الله خير

سبحان الله
كانك قلتي الي في نفسي تيجيني افكار تماما مثلم حتى الريحة اشم ريحة اخاف استغفر الله
احيانا ما ابخر البيت ولا اعطر نفسي استغفر الله افكااااار عندي كتيب افكار صار بس و الله تعب
الله يشفينا يارب
والحمد الله على كل حال

اي واللـــه اي واللـــه

تصدقين اني في فتره راحت بديت افقد حاسة الشم ونا مدري

من كثر الخوف من هالروائح صرت امنع نفسي اشم

ومادريت اني قاعده اهمل هالحاسه اللي ممكن تروح بهالطريقه

لين اكتشفت انها ضعفت

قلت ياربي الناس لامر عليهم احد متعطر يشمون ونا من الخوف ماعاد اعرف اشم لدرجة اني اذا سالتني وحده عن هاه كيف ريحتها وعطرها اليوم اقولها ياشيخه ما اشم الين تقرب واشم قميصها خخخخ طبعا اللي امون عليهم والا الباقين الله يسهل طريقهم للاسف ما شمهم

لكن شي مفيد اذا مر عليك احد ريحته خايسه


المهم تدااركت نفسي في النهايه ونا اروح اشمشم بكل العطورات قلت لازم اشم

والحين من قوة الشم عندي صرت اشم ريحة الغدا وانا في زاوية غرفتي فوق والغدا تحت في المطبخ الخارجي

لدرجة صرت اهلوس بهالروائح بشكل مرضي وسواسي
مثل ماقلت يمكن هالريحه هي اللي الناس يشمونها قبل يموتون

يـــــــا آلهي

نصيحة لاتفسرين اي حلمممممممممممممممممممممممممم
لية عشان ماتتعبيين اقصد تفسرينة من راسك

واي حلم مو كويس اعرفي انة اما من تخزين عقل باطن او وسوس الشيطان ترا ماهبل بنا الا الحلوم

وبالنسبة للشم انا اذا جتني النوبة ماشم ابدا والهواء ما احس بة

طنشي واستغفر واشلي نفسك اما بالاستماعات لاذاعات لدينية او قراءة كتاب وطنشي وجاهدي نفسك اسبوعيين ترررا تخف حالتك باذن الله

لاتخافين مجرد افكار وساوس

اقضي عليها لاتصرين مثلي

انا عندي افكار سوداويه تجيب الهلع لو بعيد عني

فعلا ياانشودة المطر انا جدا تهورت بتفسير الاحلام لنفسي بدون اي ادنى خبره

ياشوووق صدقيني احاول واحاول اشغل نفسي لكن هذا احسه خارج عن ارادتي

الا اذا لقيت طرق جديده ومبتكره وخطوات معينه في طرد هالافكار ساعتها ممكن اكون تقدمت خطوه للعلاج

الانسان طبيب نفسه زي ماقالوا

جزاكم الله خير حبيباتي

لاتخافي انا مريت بهذا الحاله وشفيت الحمدلله هذي حكايه الروائح عنيت منها كثير والاحلام بس اتعلجت بالدوء والرقيه وماء زمزم وخفت الحاله كثير الحمدلله فتره وباتعدي عارفه ايش مشكلتنا كلنا اننا مانقتنع ان هذا الشي مر فينا من قبل بس لازم نحارب هذي الوسوايس لانها والله تموت الشخص في اليوم الف مره

صادقه يا ام الهلع هالحاله تموت الواحد الف مره
انا رحت لدكتوره نفسيه حولتني على التعديل السلوكي
بس لما رجعت لها قالت احتمال تكملين سلوكي او نشوف علاج دوائي
هنا مت رعب وسحبت عليهم تخيلت ان هالدوا بياثر فيني ويزيد بلاي

اختي اتركي تفسير الاحلام لانه بيزيد الوضع سوء

وليس كل تفسير ينطبق على ماترينة في المنام

وليس شرط ان الحلم الذي ترينة يقصدك انت ممكن يقصد به شخص اخر

لذلك اي حلم مزعج تعوذي بالله منه

وسمي الله 3 مرات وقولي اعوذ بالله من شر مارايت ايضا 3 مرات وعودي للنوم على الجنب الاخر

وباذن الله مهما كان لن يضرك منه شي

اسال الله ان يشفيك ويشفيني ويشفي كل مبتلى .. اميييين