مشكلتي مع زوجي هي.....

مشكلتي مع زوجي هي.....

السلام عليكم ورحمة الله وبركاته...
زوجي انسان هادئ وحليم وطيب ومتعلم ولله الحمد,,فأنا متزوجه من خمس سنوات تقريبا ولدي طفلان ولله الحمد والمنه... ولكن,,,,,,,
زوجي يعمل في مستشفى وطبيعي إنه لع علاقات مع سيدات ,,لأنه محاسب وتقريبا أي مشكله في الرواتب تحصل لأي موضف أو موضفه في العمل يتجهون له لما له من الخبره ومكانه في العمل ولله الحمد,, طبعا الكثير من الموضفات يرسلون له رسائل حب وغرام ولا يلتفت لهم,, لأني أقرأ بالرسايل إنهم مستغربين ليش مايرد عليهم,,
وكنت ازعل في البدايه واقول له لاااازم توقفهم عند حدهم وبمجرد ماتسكت معناه انك راضي.. وكان يقنعني إنه لازم مايزعلهم وان فيه بينهم مصالح عشا كذا صااابر عليهم... بديت اتفهم واصدق كلامه... قبل كم يوم مسكت جواله وفتشت فيه والا الاقي بنت تراسله وعلى الكلام الي في الرسايل في بينهم حب,, انهرت انا وتعبت نفسيتي وهو كان نايم صحيته وهزأته الين قلت امين وقعدت ابكي وهو يسمع وسااااااكت
طبعا على طول خوفته من الله وقلت له هذي و طريقة واحد عاقل ويخاف الله يسويها وانت لازم تخاق على عرضك ,, لأنه دقة بدقة ولو زدت لزاد السقا ...
وفي الاخير قال لي انه كان بيتزوجها وانه الحين بطل لأنها ماتناسبه,, وقلت له ليش تتزوج علي ...؟؟؟ قال لي انه مو مبسوط معاي وان دايم بيننا مشاكل.. وبصراحه هو دايم يقول لي انا بتزوج لأننا مانناسب بعض ودااايم يفكر انه يطلقني بس انا ماتوقعته انه من جد!!!!!!!!!!!!
وقلت له طيب الحياة ماتجي لك على طووووول .. كل شي بالتفاهم والحوار.. يعني ماراح اصير نسخه من افكارك ... لااازم نتحاور ونتفاهم ونلتقي في نقطه .. يعني هو يصب علي مليون مشكله ويقولي عدلي نفسك!!! قعدت انا وياه بعد ماهديت وقلت له انا عندي لك راي.. اش رايك كل اسبوع نتناقش في مشكله وحده بس ونحلها ونطبقها طول الاسبوع ونشوف نتايجها الاسبوع الي بعده وهكذا... قال طيب وعجبته الفكره.. وقلت له الحين ترسل رساله على البنت الي تكلمها وتقول لها اني بطلت .. حلف لي انه ينهي الموضوع معها... وانا خاااااايفه يرجع لها أساسا هو مابطل عشان يرجع... مع انه قال لي راح نفتح صفحه جديده وانسي كل شي في الماضي وانه ناوي صلح زي نا انا ناويه... و ثقي فيني وانا ببطل منها وبنهي العلاقه.. أنا أحس ان زوجي يخاف الله وانه مايكذب علي وبصراحه أحس مالي طريق في اني اكسبه من جديد الا اني اثق فيه حتى لو كذب علي يمكن الاتفاقيه الي بنحل فيها مشاكلنا بتخلي يصرف نظر عنها...أنا احب زوجي وما ابغى اخرب بيتي... وعارفه ان الشك لو دخل بيت يهدمه.. بس مو عارفه كيف استعيد الثقه فيه رغم الي سواه فيني...
أرجوكم ساعدوني....اش اسوي مع زوجي :( :(

المصدر: نفساني

الملتقى لا يتوفر به طبيب في هذا الوقت ، وسوف نقوم إن شاءالله بتوفير طبيب او اخصائي للقيام بالرد على المشاكل

:( :( :(

مرحبا ليان ..

تذكرين بان زوجك حاول يبرر لك موقفه بعد ما كشفتيه ،، بانه غير مرتاح معك .....

قبل ما تكتشفين موضوع الرسالة ، هل فعلاً كنتي تشوفين ان زوجك غير مرتاح ومن متى بدأ يبين لك هذا الكلام ؟
اذا كانت اجابتك نعم اذكر الجوانب اللي تشوفين انها كانت دائماً محل اشكال بينك وبينه ..


سؤال آخر.. كم الراتب اللي يتقاضاه زوجك ؟


:)

شكرا لك يا استاذ عبد الله لتعاطفك مع مشكلتي ... بصراحه مدري من وين ابدأ لك..
زوجي عاطفي وحساس وأي مشكله تصير بينا يقول لي شفتي كيف احنا مانصلح لبعض...
وكنت اعديها واقول مستحيل يقصد.. بس احس الموضوع كبر وماصار مجرد كلام .. صار فعل..
نفسي أكون قد الموقف وانفصل منه لأنه مايستاهلني... لأني متأكده انه هو الخسران..
بصراحه احيانا احس انه غبي... لأنه يقول لي انه لازم يتزوج عشان الخلفه!!!
يعني انا عقيم؟؟؟
ماانا جايبه له ولدين في اقل من ثلاث سنوات الحمد لله.... ولولا اني استخدم موانع كان جبت له كل سنه طفل..
وياليته يتحمل المسؤولية....
مشكلته ملوووووووووووول
وماعنده قناعه وعينه فارغه... احيانا اقول اصبري الين ربي يحلها
واحيانا اقول ليش تصبرين على واحد مو مقتنع فيك وطول ماهو مو مقتنع بيلجأ للحرام خصوصا ان دينه ضعيف حتى صلاة الجمعه كثييييير ينام عنها

راتبه قرابة 16 الف!!!

اختي ليان وأخي عبدالله الدخيل: اسمحوا لي بالتدخل

فأنا قرأت مشكلتك اختي ليان ووجدت انه لايوجد مشكلة حقيقية تستدعي الخوف

زوجك فقط بحاجة لإدراك ان كل انسان به عيوب وانه ليس بالضرورة ان تكون

شريكة حياته تتقاطع معه في كل النقاط (اقصد الاتفاق)

وغريب انه بعد مرور 5 سنوات لم يفهم هذا الشيء، فالحياة ليست وردية دائما

ولا مثالية، وزوجك بحاجة الى ان يقرأ كتاب الرجال من المريخ والنساء من الزهرة

بالنسبة لأخلاقه اعتقد انه اشرف بكثير مما تظنين، فلا تخافي، كلنا نحن الرجال

قلوبنا مفتوحة لأي حب، ولكننا لانتفاعل معها بالحرام او التسرع في قرار الزوجة الثانية

وعقولنا تحكمنا في النهاية، ونتوقف عند حد الاعجاب وعدم التمادي

اتمنى ان يكون زوجك من هذا النوع لأن هناك اقلية من الرجال للأسف ينساقون وراء

عواطفهم ويخربون بيوتهم بأيديهم.

وقلت له طيب الحياة ماتجي لك على طووووول .. كل شي بالتفاهم والحوار.. يعني ماراح اصير نسخه من افكارك ... لااازم نتحاور ونتفاهم ونلتقي في نقطه

الفكرة التي طرحتيها فكرة رائعة وتدل على انك شخصية ناضجة، اعملي عليها

بشكل جيد واطمئني فسوف تنجحين ان شاء الله

شكرا د رعد على مداخلتك ... يااارب يفهمني زوجي ويقدر مدى حبي له ... وانا متأكده ان زوجي عاقل وماراح يخرب بيتنا بسبب تافه ... وابشرك انا قلت له اعطيني ميثاق من الله انك ماتحب غيري واذا فكرت انك تتزوج علي قولي وانا مستعده ننفصل بهدوء والقلب داعي لك...

وحلف واعطاني وعد وعهد انه مايسويها مره ثانيه ... ماتتخيل قد ايش ارتحت .. وقال لي اني ما افتش وراه ولا اشك فيه عشان هو يتضايق من هالحركات ويحس انه مو مرتاح.. قلت له خلاص انا موافقه ومستعده نبدأ بدايه جديده ويارب يصلحه ويهديه ...

من جد الحياة الزوجيه يبغى لها جهاااااااااااااااااااااد

كان الله في عونك اختي وبالتوفيق

ماودي ارجع اشتكي من زوجي بس شسوي..
تهاوشت مع زوجي على سبب تافه وهو اني حلقت شعر ولدي وهو مايدري وزعل مررره وقعد يهاوش الين انا انفجرت منه وكنا بالسياره وقلت له رجعني لأهلي والا رميت نفسي... بصراحه لا ما وقف كان رميت نفسي .. وبعدين فكيت باب السياره ونزلت وقعدت ابكي وقال لي اركبي السياره بوديكي لأهلك وبعدها تحسفت وقلت له وديني البيت بس اخذ اغراضي ولما وداني البيت قلت له ما بي ارجع لأهلي بعدين قال لي تطلعين والا انتي طالق.. طلعت ورجعت .. وبعدها نمت في البيت وطلع من البيت زعلان مني واليوم الثاني قال لي اطلعي من البيت وروحي لأهلك .. وقعدت ابكي اتحايله واقول له تكفى سامحني وهو عيا مره ورحت لأهلي وبي تقريبا شهر من جيت لأهلي جا قبل فتره يفهمابوي ليش طلقني .. ابوي انقهر منه لأنه طلق وكبر المشكله وفي نفس الوقت قال لي ليش بغيتي ترمين نفسك .. انا بصراحه بموت قهر من زوجي .. باااارد اذا طلبت منه شي وعصبي اذا غلطت عليه ..احس اني بنفجر..

احاول اكتم نفسي دائم لما يعصب على اتفه الامور بس احس اني بنفجر .. لأنه لا ينفع وبعد يعصي اذا سويت شي بدون لا اقوله حتى لو قلت له مايرضى

يصراحه الكلام الي في خاطري كثير كثير ومدري الحين انا اش اسوي ...

أختي هذي طلقة أولى والا ثانية والا ثالثة؟

ان كانت أولى أو ثانية فلا زال هناك مجال للحل

بصراحة وبدون زعل، ماألومه،، لأن تهديدك برمي نفسك والسيارة ماشية معناه كبير جدا

وهو إما انك تعاني من مشكلة نفسية كبيرة أو عندك تخلف عقلي

وانتي بلسانك قلتي انه لو ماوقف كان رميتي نفسك

أنصحك تراجعي عيادة نفسية لمعرفة سبب ورود فكرة رمي نفسك والسيارة ماشية

وهل ذلك سببه رغبة في الانتحار أو بسبب الاندفاعية أو بسبب الشخصية الحدّية

وفي جميع الحالات لازم تتعالجي والا فأنت لا تصلحي لرعاية أبنائك بهذه النفسية ان لم تتعالجي

وأعتقد زوجك أصر انك تروحي بيت أهلك لأنه غير مطمئن لك وخايف انك تسوى في نفسك مصيبة

وانتي عنده أو تضري بأولادك فقال أفضل تكوني في بيت أهلك وهم يتحملوا المسؤولية

بدل مايحملوه مسؤوليتك

فباختصار: نصيحتي راجعي عيادة نفسية وتعلجي قبل ماترجعي له