أيــن أنــا !

أيــن أنــا !

السلام عليكم ورحمه الله وبركاته

مـو عآرفه كيف أبدأ أو أيش أقـول ؟

مشكلتي مـو عآرفه نفسي . من أنـآ / أو كيف أكون أنـآ ؟

طبعا من سنه تقريبا . بعد تخرجي من الثانوي ؟

كـنت شآبه طموحه . مجتهده . دائما مآ أحلـم ؟

أحلـم بـ الشهاده العاليه ..

مـآكنت عارفه أيش بكون . أبسط شيء عندي أجيب نسبه .

وبعدين أفكر بالتخصص ,

وطبعا هذا كان كلام أبلتي الله يذكرها بالخير .

الـمهم أنجز شيء بحيآتي .. أرفع راس وطني .. واهلي ..

أفيد غيري / ونـفسي قبل ؟

تـخرجت من الثانويه ( عـلمي ) .

المعـدل: 93.02 .. القدرات : 70 .. والتحـصيلي :65 ..

قدمت ع جامعه القصيم ..

وزآدت الحيره بالاختيار ..

سئلت أهلي يمكن يفيدوني ..

أو ع الأقل يرشدوني .. طلب النصح .. حتى مـا أندم ..

أمي كانت تتمنى أدخل لغه انجليزيه .

بس انا رافضه الفكره من الاساس ..

أبـوي كـآن شآيل يده من الموضوع .. أهم شيء ممنوع الطب .

أقترحت أمي أدخل تربيه ختآصه .. بمآ ان مجال توظيف مضمون .. بهذهـ الفتره .

مآدخلت الفكره مزآجي ومع رأي بنات خالتي الكبآر .. كلهم نصحوني به ..

قدمت عليه .. وطبعا نموذج الطلب للقبول كـآن عندك 15 خـانه تسجل كل التخصصات اللي ترغب بالترتيب .

قدر الله .. وقـبلوني .. الرغبه السابعه .. البرنامج التحضيري - الاعـمـال .

مـع رفض أهلي لفكره تقديمي له . ع قولتهم انـآ علمي ؟

حرآم ضيعت سنتين من عمري . وآخر شيء تخصص أدبي .

بالعكس أنآ وجدت نفسي بالعلمي .. وإذا دخلت أي مجـآل مـأيفرق عندي .

مـآرآح أندم ع السنتين .

ابـوي كان رافض فكره الاداره ككل .. امي وقفت معي .

وقـالت تدرسين والترم الثاني تحولين للتربيه الخاصه .

درست ترم تحضيري ونجحت فيه ولله الحمد ..

ونفذت رغبه أمي وطلبت ورقه للتحويل من الجامعه

مع كثر الكلام بالآخر رفضو بسبب عدم وجود معدل للترم اللي درسته .

ومآيعتمدون معدل الثـآنوي .. بالاصل التخصص مرغوب بهذه الفتره ..

لآزم معدل عـآلي ..

قبل هذا وذآك ..

قبل دراستي أستخرت اذا ربي كاتب لي خير بالتربيه أدخله ،
واذا ربي مو كاتب اكمل اداره أعمـآل .

ومع طلب التحويل مرتين خلأص قفلت ع موضوعه ..

نسيت أقـول السبب الثاني لرفض أبوي عدم وجود نقل للـمليدا مقر الجامعه .

بخصوص كوني من قريه بعيده حوآلي 150 كيلو ..

الترم الاول بالقوه رضآ نقل يطلع من القريه لـكليات بريده .
وهو النقل الوحيد اللي ينقل لمكآن بعيد بحسب نظرهم بريده بعيده .

وكنآ كل يوم مشآكل معه .. صآبرين ومتحملين.
مستحيل نقل ثاني يمشي عشان 3بنات؟

المهم طلب منآ نعطيه 1500 بما انا 2ويطلع مسافه
ماتجي ربع ساعه من كليات البنات لجامعتنا .

هـو قـا بلسانه مافيه غيري ينقلكم .. كان مستغل هذا الشيء طبعا غير انه بعض الايام يعتذر بسفره ونصرف انفسنا مع احد الاهل .

البنتين رسبو وحده قدمت اعتذار والثانيه كملت ناويه تعيد الترم .

انتهينا من الترم الاول .. بشهر 12 كانت اجازه أخواني المبتعثين لـ نيوزلندا .

واللي جلسو عندنا لهذا الشهر 7 بسبب وجود زلازل بالدوله ..

وطلب منهم التحويل لجامعه ثانيه ..

المهم .. بوجود اخواني ولله الحمد توفر من ينقلني للجامعه ..
ومع اخ زميلتي كملنا الترم ..

هـي الآن نجحت ومدري تحول ولا لا .. وانا خلاص اخواني بيسافرون

انا درست المستوى الاول . كنت مخططه ومتحمسه أجيب معدل حلو ..

نـاويه اعدل اهمالي من بعد الثانوي وارجع أهتم .. أرجع مثل قبل .

بعكس ماتوقعت .. مـدري كيف أقول ..

بـآرده , بليده ، كسوله ، درجاتي في الحضيض ..

انتهى الترم .. ونجحت بـ 4 مواد و2 لآ ..

مابلغت أهلي بس قلتلهم نزلت مآدتين .

طـآلبه مشورتكم ..

أرجع السبب لكل هذا لـ ضعف شخصيتي .

أو مآذآ ؟

المصدر: نفساني

عليكم السلام ورحمه الله وبركاته

اهلا وسهلا بك ونشكرك على ثقتك في طرح استشارك في منتدى نفساني , وعيادة الكبار لايطلع على الموضوع الا صاحب الاستشارة والمختصين

اختي الكريمه , الواضح انك انسانه هاديه متزنه متعلمه خلوقه على قدر من الدين واتمنى ان تستمري على وضعك صحتك النفسيه جيدة , بالنسبه للتخصص او قلق المرحله يتمحور حول اختيار التخصص وللاسف نحن في الدول العربيه ندرس لمجرد الدراسه لا التخصص , كثير منا تخرج من الثانويه ( علمي ) وتخصص بالجامعه علوم انسانيه ( شرعي )

كثير من زملائي كانو يدرسون الطب - الهندسه - الحاسب ولم يجدو ذواتهم وحولو الى التخصصات الاخرى

علم نفس - تربيه خاصه - تربيه رياضيه - وغيرها

والفترة الانتقاليه من الثانوي الى الجامعه ومايعتريها من تغيرات في نظام التعليم ككل

الجامعه من افضل مراحل الدراسه والحمد لله جامعه القصيم من افضل الجامعات هناك عمي دكتور فيها ويحكي لي الكثير من المواقف الايجابيه وثراء الخطط المقدمه من الجامعه

الجامعه لاتريد حماس زائد تريد فهم , استيعاب تغيير في طرق الدراسه بغير النظر عن التخصص واشير عليك بدراسه تخصص ترغبين فيه سواء كان من العلوم الطبيعيه او الانسانيه



اما بالنسبه لااحباطك ليس دليل ضعف شخصيتك , انما للظروف التي حصلت معك اتمنى التفكير مع نفسك وفي نفس الوقت لاداعي للجتهاد الزائد المتعب انما عليك تنظيم وقتك ومهما كان التخصص سوف تشعرين بالراحه فيه صحيح ان اول الاترام تكون غامضه ابحثي مع نفسك هل التخصص يناسبك


بارك الله فيك ونفع بك