|
|
|
 |
|
 |
||||||||
|
||||||||||
 |
 |
 |
||||||||
| عيادة المشكلات الزوجية والأسرية للوصول الى الإستقرار الزوجي والأسري |
|
|
أدوات الموضوع |
07-10-2011, 02:06 AM
|
#1 | ||||
|
عضو
|
اكره تفكير زوجي
السلام عليكم ورحمة الله وبركاته
انا نزلت موضوع من قبل عن زوجي وطريقه تفكيره وتعامله مع الناس ... وقتها كنت توي متزوجه من كم شهر حاليا باكمل سنه معه . صح الشخص في بدايه حياته يكتشف اشياء وممكن يتغاضى عن اشياء . لكن الحين مع مرور الوقت صرت بس اشوف عيوبه , واشياء ودي اغيرها فيه لكني مش قادره . مرات اغاضى واسكت - لكنه يتحول كبت بداخلي ومو قادره اعبر عنه الا بالغضب ( اكوت متضايقه من تصرفاته واسكت لكني مش راضيه ) واذا علقت عليه بنفس الوقت نتهاوش حياتي معه باختصار . صحيح زوجي يحبني ولله الحمد وطاير فيني وانا اثق فيه ثقه كبيرة ولا اشك لمجرد شك انه ممكن يفكر بوحده غيري .. هذي ميزة ... وبرضو يراعيني ويقدر مشاعري وظروفي اذا تعبت يخاف علي ويهتم فيني الحمدلله انا ما انكر تعامله وتصرفاته معي عال العال ولله الحمد بس زوجي يازينه وهو معي بالبيت - بدون مانطلع - لو طلعنا يتعكر الجو ويعصب على كل الناس , احسه حاقد عليهم او مو عاجبه اي شيء وكل شيء ينتقد كل السيارات اللي حولنا , محد يعرف يسوق الا هو ينقد تصرفات الشباب الطايشه وحتى لو تصرفات بريئه برضو ينتقدها كذلك البنات المراهقات و ........ اشياء كثيره لو بعددها ماتخلص ماقد طلعت معه ورجعنا البيت واحنا مروقين , لازم يعصب ويتهاوش مع احد .. اذا الكلام ماوصل لهذاك الشخص يحط الحره فيني انا ... نظرة جدا سوداويه للمجمتع .. هو يحب يعيش في الاجواء القديمه - جيل اجدادنا - وفي نظرة ان المجتمع تغير والجيل الجديد كله خربان اذا طلعت معه للسوق وانا امشي معه - يقول انه شاف بنات يغازلون شباب وناس يتبدالون ارقام والخ الخ ... على اني امشي معه واشوف مثل ماهو يشوف مادري يتهيء له سوء الظن او حتى لو هالاشياء بالفعل تصير انا ماتطيح عيني عليها علشان هالاشياء ماهي في بالي , ولا اراقب الناس اذا طلعت معه يقولي هالبنت مواعده واحد وهذاك بيقابل صديقته .. مادري من وين يجيب لي هالافكار . طبعا لازم يصر على رايه واذا اختلفت معه وانا دايم احاول ابريء هالناس علشان ابغاه يغير رايه انا اقوله انت سيء الظن وشكاك جدااااااااا .. الحمدلله ما يشك فيني لنه متوقع كل شيء من الناس اللي حولنا . الفتره الاخيره اتضحت لي عيوبه اكثر .. يتنقد اي شيء وكل شيء قدامه , الحياه كلها مش عاجبته ينتقد المجتمع ككل من شباب واباء وامهات ... كلللللللللل شيئ خلاص انا مره تعبت منه ومش عارفه كيف اغير تفكيره لمن اجي لاهلي .. احس براحه نفسيه جدا .. ناس متفائلين بالغد .. ماعندهم سوء الظن او النظرة السودوايه للمجتمع . ماعندهم الافكار السلبيه اللي يحملها زوجي لمن اطلع مع زوجي احسه مهمووووم من الاشياء اللي هو يشوفها . دايم اقوله ( دع الخلق للخالق ) واللي خلقهم ما بينساهم ... اذا ربي اراد فضح وحده متواعده مع شاب ربي بيفضحها لا تراقب الناس . هو يراقب ويشك - وبعدين ينتقد ويتشمت ,,, اللي اهلهم ماربوهم ... الخ الخ . وانا دايم اقدم الاعذار , ممكن الاهل يخافون الله وبذلو كل مافي استطاعتهم , لكن لاسباب خارجه عن ارادتهم .. خلاص لا تتشمت بالناس بكره بيجيك عيال طبعا كلامي بوادي وهو بوادي ... دايم خلافاتنا على هالامور . حاولت انا اغير طبعي وما اناقشه ,, لكن كل ما انا اسكت هو يتمادي وتخرب الطلعه كلها بانتقادات للناس اللي حولنا يحس ان كل شيء حوله غلط X غلط والدنيا كلها ماشيه غلط الا هو كانه بيعيش عكس التيار طبعا الشيء الوحيد اللي يسليه ويفرحه اذا سولف لي سوالف قديمه عن مجد اباءه واجداده ... طبي احنا ابناء اليوم معقول مافيه شيء بهالوقت يسره او يفرحه . حاولت اتكلم معه بالطيب مافيه فايده , يتصايق ويقول اني بس انتقده .. الفتره الاخيره ماصرت احب اتكلم معه .. ولا افتح نقاش لاي موضوع لانه لازم يقلبه نقد ويفرض نظرياته السوداويه للامور . كيف ممكن اغيره ؟؟ اعرف ان هالشيء صعب ... بس انا افكر بكره اذا ربي رزقنا ابناء .. ايش النفسيه اللي بيربيهم عليها اذا هو حاقد على المجتمع واقتصر بعلاقاته صداقاته الاهل فقط لان الناس كلهم مافيهم خير والحين ابسط موقف من اهله زعل - طبعا بتضيق عليه الدنيا - اذا المجتمع مافيه خير والحين تضايق من احد من اهله وين يروح ؟؟؟ اتمنى الرد بالقريب العاجل وجزاكم الله خيرا المصدر: نفساني
|
||||
|
|
|
07-10-2011, 09:08 AM
|
#2 | |
|
مستشار
|
أختي سوسو:
الغالب هو ان زوجك يعاني من نوع من اضطرابات الشخصية واضطرابات الشخصية عادة لا تستجيب للعلاجات الدوائية وغالبا يكون ناتج التصادم معها هو الخلاف والزعل اعتقد ان مثل حالة زوجك لاتستجيب للنقد والتصادم كما انه ليس مطلوب منك ان تظلي تتحملي كلامه المبالغ فيه وشكوكه وسوء الظن الذي لديه والذي لاتنتهي قد يكون هناك مدخل وحيد وممتاز لمثل هذه الشخصية وهو مدخل الدين حاولي توجيه زوجك بأن يلتزم دينيا فربما هذا يجعله يكف عن الناس اسأل الله له الهداية |
|
|
|
|
07-10-2011, 11:39 PM
|
#3 | |
|
عضو
|
جزاك الله خير دكتور
صحيح الفتره الماضيه حاولت اتجنبه وماقدرت ولو تصدمت معه تصيرمشاكل بينا بحاول اذكره بالدين وان شاء الله يتغير |
|
|
|
|
08-10-2011, 11:04 PM
|
#4 | |
|
مستشار
|
نعم أختي ذكريه فسوف يكف عنكِ وعن الالحاح عليكِ بأن ترين الناس كما يراهم هو
واعطفي عليه فالغالب انه مجبور على وجهة النظر لتي عنده ولا يعرف غيرها صدقيني هو يتعذب أكثر منكِ ويتمنى ان يشعر بالأمان تجاه الناس ولكنه لايعرف كيف والدخول له من باب الدين ربما يحل المشكلة |
|
|
|
|
25-01-2012, 07:21 PM
|
#5 | |
|
عضو
|
السلام عليكم وحمة الله وبركاته
دكتور صارت مستجدات بحياتي مع زوجي تابعه لنفس هذا الموضوع .. حبيت اضيفها هنا علشان تتابع المشكله معي الحمدلله زوجي الفترة الاخيره تغير كثييير ، تغير للافضل اول كان بيتوتي وانطوائي وحاقد على المجتمع وماكان عنده اصدقاء على انه يقول قبل كم سنه كان اجتماعي والكل يعرفه وانا حاسه ان فيه سبب للتغير المفاجيء هذا ... المهم الفترة الاخيره تعرف على اصدقاء جدد وتعلق فيهم مررره وتغيرت نفسيته للافضل وصار منفتح للحياة ومتحمس ونظرته للمستقبل بحيويه وحماس عكس السابق كان سيء الظن وحاقد على المجتمع ويشك باي احد يحسن التصرف معه لمن صار يطلع كثير مع الشله الجديده انا تضايقت شوي لاني بديت احس باهماله لي وكانه مل مني وحب يطلع برا وبالمقابل لمن الاحظ ان نفسيته تحسنت كثير ، اقول ماعليه خليه يطلع ويغير جو المهم اخر المستجدات ... صار يفضفض لي عن حياته قبل الزواج وانه كان عنده اصدقاء مرة قراب منه وهم وقعوه بمشكله اممممم المشكله كانت هوشه وهو ( طعن) شخص ودخل التوقيف فتره وانه دخل بالهوشه ( فزعه) لصديقة وبالاخير محد وقف معه لمن دخل السجن وقتها انا انصدمت مررره من هالحقيقة ، مش عارفه كيف تكون ردة فعلي الحق ينقال انه هو مره طيب معي وحنووون ويحبني بجنون ، قد صارت بينا مشاكل كبيره بس عمره ما مد ايده علي ابداااااا انا احس ان زوجي قلبه نظيف من الداخل بس يمكن هالاشياء اللي صارت له شوهته وخلته يكرة الناس ودايم يتوقع الاساءه منهم حتى مع اهله على اتفه موقف ينهار مررره ويقول حتى اهلي ممكن يسيئون لي على ان الموقف يكون جداااا تافه انا حبيت استشيرك ... كيف اتعامل معه ؟ بما انه صارحني وهو بصراحه بدا يتغير للافضل بس حبيت اخذ بمشورتك كيف اتعامل معه. ؟ وجزاك الله خير |
|
|
|
|
25-01-2012, 07:26 PM
|
#6 | |
|
عضو
|
دكتور ،، هل المفروض اني اخاف منه بسبب المشكله الاولى ؟
انا حسيت انه هو ما يقدر يمسك نفسه وقت الغضب يعني لمن دخل بالهوشه وطعن الشخص وبعدين يقول ماحسيت اني طعنته ،، نوبه غضب وهو يقولي هالكلام وهو جدااا متاثر ويبكي عندي ماكان يبغى يعلمني علشان انا ما اخاف منه بوقتها احتويت الموقف ،، بس هل المفروض اتوخى الحذر ؟ هالامور مستحيل اقولها لاحد ، بودي احافظ على زواجي وانه هو تكون نفسيته افضل شور علي جزاك الله خير |
|
|
|
|
31-01-2012, 06:04 PM
|
#7 | |||
|
مستشار
|
اقتباس:
ويجزاكي الجنة اقتباس:
ويجزاكي الف خير لاتخافي اختي، فكل انسان معرض لموقف مثل هذا وقد يخطئ نفس خطأ زوجك
تعاملي مع زوجك بشكل عادي وطبيعي فهو على مايبدو من وصفك له انسان فيه خير وليس منه خطر يعني بالله تبغيه يدخل في مضاربة ومايطعن أحد؟ هذا ليس مؤشر على الخطر ولا تقارني بين تعامله مع رجل عدو وبين تعامله مع زوجة حنونة انصحك تشجعيه على مراجعة طبيب نفسي وأخذ علاج منظم للمزاج وسيكون وستكوني بخير ان شاء الله |
|||
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
