|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
05-02-2012, 04:10 PM
|
#1 | ||||
|
عضو نشط
تناثر الرماد في الظلام
|
الحمدلله اعاني من السحر منذ الصغر + حاله نفسيه عذبتني
السلام علكم ورحمه الله
اول شي اسألكم بالله الموضوع ماابيه ينتشر وربي احس بخوف لو ماكنت محتاجه مانزلت قصتي هينا وفرحانه لان هذا القسم خاص بس خفت من عدد المشاهدين الكثير المهم لاول مره ابي افتح قلبي لدكتور / ة فساني / ة من هول مااجد ومن صعوبات مااجد اول شي استحلف بالله من يجاوب علي انه يخاف الله فيني =( لاني قبل رحت لدكتور نفساني مصري وحطمني تحطيييييييييييم وبعدها كرهت اشكي رغم اني شكيت له شيء بسيط لكن بتعامل هذا المنتدى الراقي ادعي الله اني القى احد يفهم شعوري ويفهمني ويقولي وش احتاج لعلاج لاني محتاجه علاج مره .؟ بدأت قصتي منذ صغري كان عمري 5 سنوات ولله الحمد انا بنت ربي اعطاني ملامح جميله وحتى شعري كان جميل مرره في عائلتنا فيه حرمه ساحره (ام نجم ) مشهوره بسحرها بس محد متكلم الكل عارف بس ساكتين طبعا الكل عارف ان ام نجم ساحره الان مو زماان المهم بيتنا كان في حوش كبير وفي هذا الحوش بيت جداني وجيرانا وام نجم طبعا ام نجم من قرايبنا ومافيه بنات صغار بسني الا بنات ام نجم وكنت اروح عندهم العب مع بناتها الصغار من كنت اجيهم كانت تمسك شعري وتقول لي امك وش تحط لك بشعرك واقول لها ماتحط شي وبعدين تتجيب معاها كيس فيه شي ابيض وتحطه على راسي وتعطيني حلاوه تقول لاتقولين لامك حسبي الله وكنت اقول طيب مااتكلم ويوم تشربني شي انا لوحدي وعيالها مايشربون ومره من المرات ولدها الكبير امكن كان عمره 12 سنه كان ينزل ملابسه و يركب فوق ظهري كان ظهري يألمني وكنت اقول له قوم عني خلاص انا اتعورت ويسكتني بحلاوه واستمر هذا الحال لمده طويله مااذكر كم صحيح انا وانا صغيره كنت شقيه مره لكن مع شقاوتي فيني برائه فضيعه وبعد ماصرت اشرب الشي الي ام نجم تعطينيه جيت عند امي وجلست استفرغ شي اصفر وابكي واشتد بكائي ودوني مستشفى قالو مافيها شي اخر شي جدتي ودتني لحرمه تكوي بالنار وكوتني ببطني بعدها صار لي خوف من بطني مااكل كثير اخاف تألمني وبعد فتره جلست ابكي من ظهري الدكتور يقول تعرضت لشيء ثقيل او انها طاحت انا قلت ايوه نجم يطلع فوقي طبعا امي ماتكلمت لكن من جيت البيت بدأ العذاب مسكت اصابيعي وحطتها على المغسله وبدت تضربها بالساطور (سكين كبيره ) هذا اذا راح ابوي العمل وكنت ابكي كانت تقول ليش ماقلتي لي وكانت عندنا خدامه من كانت امي تظربني كنت اطلع عندها لكني اتفاجأ ان الخدامه تتبول على القران اقول لها ليش كذا حرام هذا كلام الله تروح تنظر فيني بنظره حاده بعدين راحت تحط على راسها شي ابيض جيت قلت لها هذا كانت تحطه لي ام نجم الخدامه استغربت وقامت تسالني زي كذا انا قلت لها ايوه زي كذا والله وراحت حطته هي الثانيه براسي وجلست تقرا على راسي بعدها دخت ماادري اش صار من قمت وامي تهاوش تقول نايمه عند خدامه ياخدامه قومي من قمت حسيت بصداع براسي بس اخاف اقول لامي لان امي تظربي مااحب اقول لها وبعد فتره وبما ان ابوي شيخ مطوع اكتشف ان الخدامه ساحره وسفرها بس قبل مايسفرها جاء وقال لها انا ابي اسفرك بعد يومين طبعا جاتني الخدامه وكانت تكرهني لكن استغلت الموقف اني لحالي وامي تكرهني طبعا هي مقهوره لان نبي نسفرها المهم قالت لي ليش مااصورك واذا صورتك اخلي عيالي يشوفونك جلست اقول لها انا حلوه صح قالت ايوه قلت لها امي ليش تقول انا مو حلوه ليش تكرهني قالت امك تغار منك وفعلا للاسف امي كانت تغار مني ليش مدري لا اله الا الله وصورتني وصورت ابوي وهو نايم وامي لكن يوم حلمت حلم غررريب والله غريب احد يقول لي خذي الصور بعدين امك راح تضربك وفعلا انتهزت الفرصه وهي بالحمام وسحبت الفلم ورحت لمزرعت جدي ورميت الفلم فيه للان ودي اعرف الصور فين راحت اهم شي والحمدلله مااخذت الصور معاها لكن قبل لاتروح اعطتني عصير وتقول لي علاج لراسك وكنت اشربه رغم انه كان مر مره بس تحملت وماقلت لامي ابد واول ماراحت الخدامه وكالعاده امي تهاوش علي حسيت اني اكره اشتغل بالبيت واكره اسوي اي شي صرت عصبيه وبس استفرغ بالحمام لكني كنت ابكي بالحمام ومااقول لاحد طبعا عندنا ببيتنا دور كامل فوق مخازن للملابس والدولاب وغرفه الخدامه امي اذا زعلت مني تخليني انام فوق لحالي وكنت مااخاف مره والله كنت شجاعه مو مثلي الحين ومره كنت فوق واول ماقمت اصيح وابكي ومقهوره سمعت احد ينادني من غرفه الخدامه ورحت لقيت حرمه شعرها طويل لونه ازرق وتطير من عندي وتقول لي روحي عند امك انا ماخفت وجريت رحت لغرفتي وقمت اصيح جاء اليوم الثاني وخفت انام فوق قلت لامي ابي انام تحت ماابي انام فوق قالت لا ياحيوانه تنامين فوق يا ..و يا .. الخ من السب طلعت وانا خايفه انتظر الحرمه تجي ونادتني تقريبا الساعه كانت 2 ونص بالليل ومارحت لها وجات قالت لي ليش ماجيتي من ناديتك قالت لها انتي وش تبغين اتركيني انا ماسويت لك شي تقول لي ليش تنامين عندي فوق ليش ماتنزلين تحت وقمت ابكي قلت امي ماتحبني شوي ابوي يدخل ويقراء ايه الكرسي بصوت عالي ابوي شافها قالي وش شفتي قلت حرمه المهم حفظني ايه الكرسي وقالي من خلاك تنامين هينا وليش شعرك كذا قلت له امي ونزلني تحت وخاصم امي كنت متشبكه بأبوي خايفه منها طبعا ماكانت تمشط لي شعري كان شعري طويل وماكنت اعرف امشطه الي كانت تمشطه لي الخدامه واختي الصغيره كنت اكرهها امي تحبها مره وتمشط لها شعرها واشياء كثيره ويوم من الايام جلست ارعف ونزل دم كثير من خشمي وكنت تعبانه مره بطني + راسي وفجأه طلعت من حالي فوق وانا ماابي اطلع بس طلعت ونمت بالغرفه وماادري اش صار بس من نمت ارتحت ومن قمت حسيت راسي ثقييييل مرره ونص شعري طايح بالارض مسكت شعري وابكي وفجأه سمعت صوت احد وراي يقول لي انا اخذت شعرك نظرت وراي ولقيت رجال كبير ومو لابس شي وكنت مركزه على ذكر الرجال اول مره اشوف شي كذا وقمت ابكي ابكي ورحت ابي انزل مع الدرج لكني طحت وجريت للغرفه الضيوف وجلست ارتجف وابكي واكل اضافري دخلت علي امي شافت منظري خافت وقالت لي اشبك انا ماتكلمت ومستمره اكل اضافري وارتجف شافت شعري طايح قالت اشبك ليش انتي كذا من سوا لك كذا لاول مره احس ان امي شفقت علي وحزنتها رغم اني مابكيت ولا تكلمت ولا شي راحت امي قصت لي شعري مثل الولد فكرت ان فيني مرض ومن رحت المستشفى نسيت مااذكر اش قال الدكتور كل الي اذكره ابوي جاب لي زيت زيتون وفي المدرسه كانت الاستاذه تهاوشني على شي انا ماسويته تقول لي انتي سويتي كذا وكذا اقوم ابكي اقول لا والله مو انا واشياء كثيره كرهت المدرسه وكرهت كل شي , كل شي ضدي وكنت احب غرفتي لان فيها مساحه كبيره حديد لونه اسود كنت اكتب عليه بالطباشير وارسم كنت احب ارسم وفجأه جاني رجالين ونفس الشي مو لابسين شي قمت اصارخ وابكي وابكي ونزلت مع الدرج وشافتني امي ابكي قالت ليش تصارخين اختك نايمه ياحيوانه وماتكلمت قلت لها مافيني شي قالت روحي نامي ورحت لغرفه الضيوف وابكي بكاء بدون صوت صرت اغيب عن المدرسه واكره الرجال مااحب الرجال احس عندهم شي يخوف اخاف منهم اخاف من ابوي ومن كل الرجال وبعد ماكبرت اختي اقترحت امي تخلي غرفتنا انا واختي فوق لان مساحه البيت تحت صغيره فرحت انا بقوه اخيرا فيه احد بيسكن معي فوق وتمت الغرفه بنجاح وسكنت اختي معي وبعد مرور الوقت كنت اسمع اصوات واختي نايمه لكني اقراء ايه الكرسي مثل ماكان ابوي يعلمني وانام وكنت من الخوف اجيب القران الصغير واجيب نسخ كثيره واحط واحد فوقي وواحد يميني وواحد يساري اعرفه انه بدعه بس كنت صغيره ومااعرف ومن قمت اليوم الثاني وجيت افطر امي صفقتني كف بدون سابق انذار نظرت فيها بأستغراب امي اشفيك تقول لي ليش ياقليله الادب قلت ايش قالت انتي اش تسوين بأختك وهي نايمه قلت ماسويت شي وزعلت مني وماتكلمني وتطنشني ورحت لاختي قلت لها ليش تقولين لامي اني انا اسوي فيك شي وانا كنت نايمه ماسويت شي راحت امي سمعت نص الكلام سمعت اني قلت لاختي ليش تقولين لامي وراحت ظربتني ورمت السكين على يدي انا تجننت مااحب اطلع فوق احس فيه جن ومااحب انزل تحت اتعذب واستمريت على هذي الحاله عده سنوات ويوم من الايام ابوي صار يشوف اشياء بالبيت ونسمع ضحك وامي كذالك وقرر يجيب شيخ للبيت ومن الشيخ قام يقرا انا بسرعه هربت ورحت على فراشي وماابي اسمع صوت القران احس بشي يكتمني بصدري ومحد لاحظ ان فيني شيء نقلنا من بيتنا ونفس الشي بيتنا مازال مسكون بالجن وفجأه امي طلع فيها ورم بجسمها وراحت لشيخ تتعالج وتغيرت علي مره صارت افضل من قبل رغم اني صارت بيني وبينها احتكاك ومر الزمن ورحت معاها لشيخ على اساس القران شفاء واول مابدأ يقرا الشيخ جلست اصارخ وابكي وفقدت الوعي وعرفت من الشيخ ان فيني سحر وعرفت انه من ام نجم والخدامه الاندونيسيه وبعدها وعدت نفسي وعد اني اتعلم لغه اندونيسيه بس عشان اكشف الخدامات السحره وفعلا قدرت اخذ لغه ولله الحمد وان شاء الله امسك السحره طبعا اثناء ماانا مسحوره كنت اروح البيت اتعب اروح الشيخ اتعب اكره المدرسه والدراسه اكره البيت احس بضيقه اكره كل شي احس اني مو مثل البشر ومره كانت زميلتي عند الشيخ جايه لان فيها عين مدرري ايش وشافتني وبلغت البنات بالمدرسه صار اسمي البنت المسكونه جاني شعور بنفسي اني انا جنيه مو بشر ليش الناس يهربون مني ليش يخافون مني ليييش .؟! تابعت وكملت دراستي وقاومت رغم الصعاب الي اشوفها ورغم المرض الي يجيني لكني حاولت والحمدلله ربي كان معي كنت ادعيه دايم ومرت الايام وصار عمري 18 سنه انا مثل ماانا الحمدلله بنت جميله ولكن وااااااضح التعب والمرض في وجهي وكأن مافيه دم بجسمي ومره من المرات تمت خطبتي من شاب مااعرفه شافتني امه بفرح وخطبتني لولدها الولد ابوي سأل عنه وقال مافيه شي الا انه احيان مايصلي انا كنت مااحبه لكن قلت امكن ربي يوفقني واتخلص من كأبتي في البيت امكن ربي يرزقني واغير جو النفسيه شوي ابي اسافر برا ابي اشوف طبيعه الله لان ابوي رافض نسافر برا المملكه وبعد التفكير وافقت واثناء الملكه قلت له فيه شي ببالي تحققه لي قالي ايوه قلت له ابي اروح لـ اندونيسيا قالي تم واافق بسرعه انا استغربت قلت معقوله وافق فرحت مره والفرحه بتقطعني وقلت اهم شي سعادتي ماهمني هذا الرجال اصلا انا اكره الرجال بس ابي استعيد حياتي ابي اشم هواء طبيعي ابي انسى الماضي المؤلم وجاء يوم زواجي واثناء ما كنت عند الكوفيره تسوي لي مكياج فجأه جاء ظلام دامس قدامي احاول انظر مافيه شي شوي قمت بعد ماخلصت المكياج وقلت لها انا مااشوف وجلست عيوني تدمع وتمسح دموعي وتقول لي لاتبكي وماادري كيف امي من عرفت ان بنتها انعمت قامت تبكي وكانت معي بنت خالتي تقراء علي القران بعدين رحت البيت وحسيت اني ابي الحمام ومن دخلت الحمام وقضيت حاجتي وجيت ابي اخرج فجأه رجع نظري وشفت صوت جاي من وراي ومن نظرت شفت الرجال الي جاني وانا صغيره وقمت اتذكر اشياء زمان المؤلمه وقمت اصااارخ بقووه وبحاول افتح الباب ماقدرت وابكي واصارخ العماره مافيها احد كل الناس راحو فرحي باقي انا احظر متأخر وكانت بنت خالتي في الصاله + صديقتي ويحاولون يفتحون الباب وانا ادق الباب وابكي اقول لهم افتحو الله يخليكم افتحو حسيت نفسي مجنونه اخر شي الرجال دخل ببطني وانفتح الباب وحسيت اني ابي ادوخ وقمت استفرغ وكانت زميلتي حاطتني على رجلها وتبكي وتقراء علي قران بعدين جالسه تقولي لاتيأسين لاتفرحين اعدائك لا تستسلمين وحاولت اقوم رغم وجهي صار شااااااااااااحب والكل لاحظ علي هذا التغير ورحت الفرح وابوي ماقلت له شيء ولا امي عن الحمام لكن امي عرفت بعد الزواج وفي اثناء الزفه كنت متماسكه وواقفه بكل ثقه رغم الالم الي يصير فيني ومع الناس كنت اشوف الحرمه الي شعرها ازرق تطير بالهواء وتنظر فيني تعوذت من الشيطان وبديت اقراء ايه الكرسي وبعدين اثناء ماانا واقفه شفت بنت ام نجم تصورني رغم ان الكاميرا ممنوعه وامي حطت على الباب 4 حريم ضخام لكن دخلوها كيف ماادري انا عرفت انها راح تسوي شي ماسويت شي وقمت اتعوذ انتها الفرح سلمت على ابوي وامي وودعتهم من وصلت البيت حسيت بخوف ماادري ليش قمت ابدل ملابسي وبعد ماتحممت وجيت ابي انام ماقدرت انام عنده بديت ابكي وبدأ جسمي يرتجف واسمع اصوات حولي طبعا زعل مني ورحت نمت بالمطبخ ماني قادره احس اني مااقدر انام معه اخاف مره اكره الرجال ماادري ليش =( وصار يحاول يغتصبني لكني اهرب منه وابكي وبدأ يربط يديني بعدها فقدت الوعي ومن قمت لقيت نفسي عند البحر طبعا سافرنا وقتها خفت ياربي انا اش جابني هينا ورجعت البيت وزوجي مو فيه شوي جاني وضربني بعدها بديت ولاول مره احس بخوف ينبض من قلبي صار كل بعد فتره يجي ويجيب معه الشيشه و,...الخ الله يستر علي وعليه وكان يجي وهو مو صاحي ويضرب فيني انتي ماخليتيني افرح وانتي وانتي بعدها دقيت على امي قلت لها ارسلي لي سياره ولا قسم بالله ارمي نفسي من فوق العماره انا جهزت اغراضي جيبي لي سياره وقتها كنت منهاااره اخوي كان صغير اتصلت امي على ولد خالتي ولد خالتي هذا قلبه قطعه من الثلج انسااان طيب لابعد درجه وانا اقول له اخوي مستحيل اعتبره غريب ومن جات امي بديت انزل اغراضي لسياره وكتمت بكائي ومن بعدت عن البيت جلست ابكي بالسياره وابكي وابكي حاولت امي تسكتني ماقدرت اسكت وابوي كان مسافر وقتها استمريت ابكي لمده يوم ونص ماادري اش صار لي انهرت نفسيا والله اكتب وابكي مقهوره وانا صغيره عذاااب حتى وانا كبرت كله عذاب صحيح اني كنت منهاره لكني كنت اقول ياااارب والله مانسيته كيف انساه وانا احبه حبا جما احبك يالله وودوني امي وولد خالتي المستشفى قبل كنت استحي مره مااحب ابكي عند احد لكن هذي المره ابكي وانا امشي في المستشفى حطوني في الطوارئ وضربوني ابره بعد شوي هديت ونمت , تنومت بالمستشفى يومين او بالاصح يوم ونص بعدين جاء ابوي وقلت له ابوي انت تخاف الله صح قال الحمدلله قلت ابوي الله يقول بيننا وبينهم الصلاه من تركها فقد كفر صح قال ابوي الا صح قلت له ابوي الله يقول لاتنكحو المشركات صح قالي ايه صح فتح الله عليك قلت اجل حكم الله يقول اني ماابي اكمل معه ابي الطلاق جات امي قالت لي حرام عليك تطلقين وانتي بكر طبعا ابوي استغرب انه للان ماقدر ينام معي رغم استمريت معه 3 شهور الا اني من خوفي هذاك الوقت كنت امنعه طبعا جسمه ساعدني كان نحيف مره و قصير وبعد فتره وجيزه تم طلاقي بحمدالله ونحمده ونشكره على كل حال بعدين ام نجم نشرت خبر طلاقي بكل مكان قبل ماتوصل ورقه طلاقي وقبل مااحد يعرف طبعا انا عرفت كيف عرفت ام نجم كان فيه قط اسود يلاحقني طوووووووول الوقت وكان مو طبيعي مو مثل القطط الثانين المهم انتشر خبر طلاقي والحمدلله على كل حال كنت مقهوره لكني راضيه بقضاء الله وقدره الحمدلله لكن الي قاهرني اسمي مطلقه وانا مازلت بكر كل مااتذكر هذا الشي انهار واجلس ابكي وابكي وابكي وزاد السحر علي والحمدلله ونفس الشي كل ماطال شعري بدأ ينزل لوحده بدون سابق انذار وفيه في كتفي علامه كبيررره مااحب احد يلمسها يقول الشيخ هذي علامه لسحر كنت اداوم عند شيخ الان تركت الشيخ ماقدرت اتحمل كنت من اقوم من عند الشيخ اشوف الدم يطلع من جسمي من راسي ومن رجولي مقطوعه بأضافري وكنت اقول امي ليش انا اش سويت تقول امي الشيخ من يقول اللهم ابطل سحر السلاسل والاقفال وسحر الحسد والسحر الاسود تقول امي تطيحين بالارض وتدورين بسرعه ابي امسكك مااقدر وتقطعين نفسك بأظافيرك وترمين راسك على الارض بعدها صرت مااروح خلاص تعبت مره تعبت وبعد طلاقي صرت مااطلع من البيت اكره الناس اخاف منهم وربي مقهوره مدري ليش حتى خالاتي مااروح لهم جداني مااروح لهم مااروح لاي احد بالقوووه رحت الجامعه وحاليا ماابيها ابي اتركها ايوه صح الحمدلله والمنه وسبحان مسخر الارزاق فيه ولد عرفناه بالرياض صديق ولد خالتي عبدالرحمن , من كانت امي تتعالج بمستشفى كان يساعد ابوي في الاوراق مع عبدالرحمن هو مره ارتاح لابوي وكان اجتماعي وطيب ومره فرفوش طبعا ابوي كان يقول ويوصفه اما انا مااديته اي اهتمام لان اكررررررره الرجال ومااحبهم احس كلهم سكرانين وكلهم مجانين بعد مايتزوجون الي يفكرون فيه شهوتهم وبس طبعا وقال لابوي والله ياعم انا ارتحت لك وودي اناسبك انت مبين عليك رجال تخاف الله وطيب ومن كلام عبدالرحمن ومدحه لك وابوي طيب والحمدلله واكثرر, ابوي ماتكلم وراح قدامنا وجينا انا وامي نبي نروح ومريت من عنده وقلت بأستحقارانا مطلقه وانا مسحوره ماادري ليش قلت كذا والله مدري ليش وامي تسمع امكن لان ماابي اتزوج بعد كذا بدأ ينظر فيني ويبتسم وقال مو مشكله ابتسامته ونظراته فيني هزت قلبي ولاول مره بعدها ندمت اني قلت له كذا وجلست افكر فيه وافكر ليش وافق علي وانا مطلقه ومسحوره مستحيل بعدين قلت لا مافيه على الله شي مستحيل بعدين رجعنا المدينه ومازلت افكر فيه ماادري ليش هل انا حبيته ام ايش ماادري رغم انه كان ما شاء الله ضخم وماخفت منه بالعكس ارتحت له فجأه وبعد مرور اسبوع زارنا عبدالرحمن وزوجته وبعدين زوجته قالت لي ساره تعالي خذي هذي وحده تبي تكلمك قلت من ؟ قالت وحده ورديت وردت علي بنت صوتها كبير ماادري مين وجلسنا نهرج انا طبيعتي اجتماعيه لاكن الان صرت انطوائيه قمت افرفش واضحك وقلت شكلك انتي اخت فاطمه <- فاطمه زوجه عبدالرحمن قالت لي لا والله مو اختها المهم قالت انا اخذت رقمك قلت لها اوك ونسيت السالفه لان فاطمه ماقالت لي من البنت وطنشت وصارت كل شوي تدق وتهرج وانا متأكده انها اخت فاطمه الصغيره ومره دقت قالت لي ساره بنتكلم بموضوع انتي فايقه قلت لها ايه نعم تفضلي قالت انا مو اخت فاطمه انا اخت عبدالله قلت لها وانا اضحك وعبدالله مين قالت صديق عبدالرحمن قلبي بدأ يخفق تذكرته من ابتسم بوجهي قلت لها بأستغباء من زميل عبدالرحمن مااعرفه .؟ قالت الي جاء مع عبدالرحمن بالمستشفى بالرياض .؟ قلت اهاا بس ياويلك تكذبين قالت وربي اني صادقه واخوي يبغاك قلت ياسلام يبغاني ويرسل اخته وابوي وينه .؟ قالت لي اخوي خجول ويبي يعرف رايك اول وهو مو صايع عشان يكلمك خلاني انا اكلمك اول قلت لها اوووك انا مشغوله الحين اكلمك شوي وقفلت الخط رحت اتصلت على فاطمه قلت لها لو سمحتي ممكن اعرف ليش تعطين الاخت رقمي قالت اي اخت قلت مدري اش اسمها اخت عبدالله صديق عبدالرحمن قالت مو انتي قلتي لها اوك خذي رقمي بعدين قلت لها طيب ليش ماقلتي لي الله يهديك قالت تعالي عندي بكره قلت لها انتي تعرفين اني مااطلع من البيت تعالي انتي وفعلا جاتني اليوم الثاني وقالت لي ايام ماكنتي تروحين لشيخ وعبدالرحمن يوديك مع امك وايام ماتطلقتي كلها عبدالله شافك قلت لا اضحكي على غيري بعدين سمعت عبدالرحمن يتنحنح ومن ورا الباب يقول انا اسفه ذاك اليوم ماقدرت اتحمل يوم تطلقتي ويوم انسحرتي و..الخ وجلست افضفض لصديقي بعدين صديقي قال لي انا ابيها انا انهرت وقمت اصيح وقلت هو مايبغاني اصلا هو شفق على حالتي ماابي احد يشفق علي شكرا الرجال كلاب و..الخ وبعد مرور شهر دقت علي اخت عبدالله رديت وقالت لي ساره انا بالحرم ابي اقابلك قلت لها مدري قالت الله يخليك وربي جيت لحالي وافقت وقفلت الخط و طلبت ابوي يوصلني لباب الحرم لاني خفت مدري ليش قابلتها وشفتني وحبيتها انسانه طيبه وحبتني وتقول انتي طيبه قلت لها شكرا وصراحه دخلت قلبي وبعدين جاتنا فاطمه وجلسنا نهرج من جيت ابي اطلع من الحرم رحت لقسم الاسواق اخذت لاهلي عشاء ومن جيت امشي شفت عبدالله كان يقلب بالجوال انا عرفته هو ماعرفني وسرحت مااعرف ليش بعدين ابتسمت وارتحت بعدين اقول انا اش اسوي استغفر الله اعوذ بالله من الشيطان وبسرعه ركضت ورحت السياره ومر يومين وانا اتخيله اخر شي عرفت اني ارتحت له بس متأكده اني ماحبيته ابد وبعد فتره جاء عبدالله واخوه الكبير يخطب له انا استغربت معقوله .؟! احد يخطبني وعارف ان انا مسحوره جلست ابكي وفرحت وجات الشوفه وشفته وكنت مبتسمه طول وقتي وابوي حس اني فرحانه هوو مره كان مبسوووووط مني على كلام اخته تقول لي ماكان يتوقع انك كذا حلوه قلت لها شكرا من ذوقك فرحت مره ولاول مره احس اني حبيت احد ومره من المرات استغربت من رقم غريب اتصل علي ومن رديت كان عبدالله انا استغربت عبدالله وش تبي قالي ساره الله يخليك اصبري علي ان شاء الله راح نملك قريب قلت له ليش وش صار قال ابوي رافض ان زواجي يتم رغم انه قبل موافق ماادري اش صار الله يخليك اصبري وقفل واخته تقول لي وربي مره اسفه ابوي مدري اش صار فيه فجأه رفض مدري كيف .؟ جلست ابكي بدون صوت تحطمت كليا وبعد ماحبيت يصير كذا الحمدلله يارب والان يادكتور مرة سنتين والموضوع موقف وعندي امل كبيررر بربي قبل كل شي اخاف ان السبب من السحر لكني مستحيل ايئس من ربي ابد ماراح ايأس طبعا وعشان اكون صادقه كان عندي ايميله بعد موافقه امي اكلمه اشياء رسميه ومو دايم اهم شي ابي اشوف هو كيف واخذت منه معلومات وهو اش يعرف عني وليش وافق علي طبعا امي ما وافقت الا من كثر مي واثقه فيني تقول اعرفك انتي مو حقت الحركات هذي المهم هذي الايام جلست وجلست مكتأبه افكر في قصتي زمان وافكر في قصتي الحين ابكي من حالي فجأه ابكي وفجأه اضحك صرت مجنونه واذا صرت مكتأبه احاول انام مااقدر اكتم بقلبي وقبل اسبوع صابتني بدايه جلطه ثقل لساني مره وماقدرت اهرج بس اتاء تئ (تأتأه)خاصمني الدكتور يقول لا تزعلين طيب اش اسوي انا حبيته بدون مقدمات ومن اسلوبه وانه يبغا لي الخير وعبدالرحمن يشهد ارتحت له مررره قلبي يقول انه طيب ماادري عنه والله اني اصلي استخاره ومازلت متعلقه فيه قالت لي امي انسيه لكني مازلت ارفض الخطاب عشانه وارسلت له اول مره رساله قلت له عبدالله انا في انتضارك انت وعدتني ومااسامحك لو تكذب حاليااا مااحب اخرج اكثر من قبل مااااتكلم واي احد يكلمني ابكي وبالجامعه مدري اش صار لي مااهتم بملابسي بشعري مااهتمي بشيء بس اشوف صحه البنات ابكي اشوف اطفال ابكي اتفشل من البنات ماابي احد يشوف دموعي ابي علااااج يخلصني من الي انا فيه ابي علاج ينومني ماابي اقوم ماابي اعيش عذاب خلاص يكفي انا ابيه ابي عبدالله احس بالامان معه مدري ليش والحمدلله على كل حال وانا لله وانا اليه راجعون ... حبيت اذكر معلومات تحت اسمي / ساره عمري / 20 سنه الحالات الي احس فيها / كره للمجتمع كره لرجال في بعض الوقت حبي للاطفال بشكل فضيع حتى لو شفت طفل اذكر الله واجلس ابكي واضحك اتمنى اتزوج من عبدالله امنيتي وودي اجيب منه اطفال كثااار يارب =) , مااقدر اتشيك ماالي نفس اخاف من الاجتماعات اخاف من النوم لكني بنفس الوقت احبه كيف ماادري يصيبني قلق مااحب الصوت العالي اذا كنت متضايقه اعصب على الكل اذا شفت اي ام تضرب بنتها او اب يضرب بنته او ولده اجلس ابكي وارتجف بشكل ملحووظ حتى لو كنت بمكان عام مااقدر امنع نفسي من الرجفه والخوف ماعندي ثقه بنفسي ابد اتردد في الاشياء اخااف كثير لو كنت لوحدي ابي احد يكون عندي يهرج معي يفهمني واسفه على الاطاله وجزاكم الله الجنه وحقق لكم مرادكم المصدر: نفساني
|
||||
|
|
|
05-02-2012, 10:11 PM
|
#2 | |
|
عضو نشط
تناثر الرماد في الظلام
|
ليش مااحد رد علي =(
الي يعرف حل لمشكلي جزاه الله خير يتفضل وله الاجر من الله نفسييييييييييتي تعباانه والي مايعرف اتمنى يدعي لي ان ربي يفرج همي =( |
|
|
|
|
06-02-2012, 09:44 PM
|
#4 | |
|
مستشار
|
أختي سارة
أدخل للمنتدى بشكل غير منتظم واعتذر على التأخير قرأت قصتك ومعاناتك ونحن في الطب النفسي لا نتعامل مع موضوع السحر ولدينا تفسيرات طبية لحالتك والتي غالبا هي مرض ذهاني يستدعي العلاج بالأدوية حالتك أختي لايصلح علاجها في المنتدى انصحك تراجعي اي طبيب جيد والتزمي بتعليماته وان شاء الله خير |
|
|
|
|
06-02-2012, 10:19 PM
|
#5 | |
|
عضو نشط
تناثر الرماد في الظلام
|
اخوي رعد تمنيت من الله انك ترد علي والحمدلله رديت علي
جزاك الله خير اخوي رعد الله يخليك انا ماابي علاج لسحر مو لازم ماهمني اهم شي نفسيتي وش لون اعالجها مااقدر اروح لدكتور بحثت وبحثت بالمدينه المنوره عن دكاتره مالقيت لان كلهم مو دكاتره بثقه ومازالت ابحث وللاسف والحين كتبت قصتي هينا , بالبدايه كنت ابي اتصل على دكتور نفساني لعل وعسى ينفع بس مالقيت رقم اي احد وكان ودي بالدكتور طارق الحبيب بس مايرد ومافيه الا الله ثم انت الله يخليك ارجوك يادكتور اوصف لي اي شي احس اني بتجنن الله يخليك ماهمني اي شي اهم شي ارتاااح نفسيا طفشت من كثر ماابكي واتضااايق انتظر ردك يادكتور |
|
|
|
|
07-02-2012, 02:21 AM
|
#6 | ||
|
مستشار
|
اقتباس:
ويجزاكي ألف خير أختي
لا زلت انصحك بمراجعة طبيب جيد وعندكم في المدينة المنورة الدكتور عاطف وهو استشاري سوداني في مستشفى النفسية والدكتور أحمد حافظ استشاري سعودي وكلاهما ممتازين سامحيني فلا استطيع ان اوصف علاج ولابد من تقييم حالتك حضوريا بشكل جيد الدكتور عاطف والدكتور أحمد هم افضل مني ان شاء الله اذهبي لأحدهما وستكوني بخير بأمر الله |
||
|
|
|
07-02-2012, 08:40 AM
|
#7 | |
|
عضو نشط
تناثر الرماد في الظلام
|
اهاا يعني على كلامك الدكتور احمد والدكتور عاطف دكاتره اثق فيهم بالمدينه
جزاك الله خير وربي ماقصرت ان شاء الله راح احاول اروح لهم بأبذل قصار جهدي ربي يسعدك ويدخلك الجنه ولا يحرمك من الاجر |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
