علاج

علاج

السلام عليكم دكتور رعد..

انا شاب عمري 28 امر بفترة شوي صعبة في حياتي واحتاج مضاد للإكتئاب يساعدني امر بهالفترة.

انا صارلي اجرب ادوية سنتين ونصف منها سنة تقريبا على التجرتول اللي مازلت عليه لانه وحده من الدكاتره قالت لي انه يمكن عندك BI-Polar Disorder اللي اتوقع ممكن صحيح لانه انا من يوم صغبر وانا انسان مزاجي...

الزبدة اني راجعت كذا دكتور هنا بالخبر وكا الادوية اللي جربت للحين تخليني ماوصل لمرحلة القذف هذا غير بعض الادوية تخليني كسول ومرهق..

احتاج دواء مايكون يأثر علي جنسيا لانه اذا الدواء بيخرب على المتعة الجنسية يعني مافادني بل ضيق صدري زيادة وشال من حياتي متعة.

هذا غير انا مادري اذا انا المفروض استمر للتجرتول ولا لا اخاف له مشاكل انا ماعرف عنها..

ارجو انك تدلني للعلاج المناسب لي وشكرا

واذا تنصحني باي دكتور بالمنطقة الشرقية ويفضل الخبر اكون شاكر لك وشكرا.

المصدر: نفساني

العفو أخي، لكن ماأعرف أحد بالشرقية

ممكن تجرب دواء ليثيوم فهو لايؤثر على الناحية الجنسية

ولا أدري أخي هل تستخدم مضاد اكتئاب مع تيجريتول ام لا؟

عموما مثل ماأخبرتك ولكن ليثيوم تحتاج ان تاخذه بإشراف ومتابعة طبية

وربي يكون بعونك

يعطيك العافية دكتور..


شكلي راح اطرح فكرة الليثيوم المرة الجاية اروح الدكتور.

نعم اخذت كذا مرة ادوية ضد الاكتئاب مع التجرتول بس اوقف علطول لاثارها الجانبية بس صارلي سنة ونص تقريبا ماوقفت التجرتول الا فترة يمكن شهر ومارتحت فرجعت اخذه مع اني مادري اذا انا المفروض استمر عليه ولا لا يمكن له اثار جانبية للي ياخذه فتره طويله؟

الآثار الجانبية لتيجريتول ليست سيئة جدا من ناحية الجنس

ومع ذلك اقترح لطبيبك فكرة الليثيوم فهو اقل آثارا من تيجريتول

مثبتات المزاج مثل تيجريتول او ليثيوم او غيرها المفروض تستمر عليها الى ماشاء الله

فالمرض مزمن ، واستمرارك على هذه الادوية يقلل احتمالات حدوث الانتكاسة

كان الله في عونك أخي

يعني الليثيوم يعتبر مثبت مزاج مو مضاد للأكتئاب؟

ليثيوم هو مثبت مزاج في الأصل، وهو يقلل حدوث نوبات الاكتئاب لكنه لايعالج الاكتئاب

وفي حال وجود اكتئاب واضح فلا بد من أخذ مضاد اكتئاب مع الليثيوم

طيب يادكتور هل فيه مضاد اكتئاب ماله تأثير سلبي على الجنس؟ هذا كان سؤالي الاول...لانه كل المضادات اللي جربت تخليني ماوصل لمرحلة القذف.

بروزاك أخي الفاضل، لايؤثر على الجنس الا بشيء بسيط جدا

وهناك ايضا دواء اوروركس ولكنه ضعيف على الاكتئاب

ممتاز...انشالله كلامك صح وفعلا مايأثر علي.طيب دكتور الليثيوم مع البروزاك هل شايف انه مناسبين لي؟

سويت بحث على المؤثرات الجانبية للبروزاك...الكل يقول تأخر بالقذف وضعف بالرغبة الجنسية! ماتفقنا على كذا يادكتور...يعني معقولة مافي مضاد للأكتئاب ميأثر على الجنس؟

كل الأدوية تقريبا تؤثر على الجنس ولكن البروزاك وأوروركس وجد انها لاتؤثر عند كثيرين

او ربما تأثيرها طفيف وليس كبير