|
ارجو من الله ثم منكم مساعدتي على شفائي
ارجو من الله ثم منكم مساعدتي على شفائي
بسم الله الرحمن الرحيم
السلام عليكم ورحمة الله وبركاته*
احب ان اشكركم على هذا الموقع الجميل الله يجزاكم خير على مساهمتكم لهذا الموقع واللهم اجعله في ميزان حسناتكم وارجو من الله ثم منكم مساعدتي في علاجي بعد الله*
اليكم قصتي
انا طالبتكم انكم تساعدوني في علاجي بعد ربي قصتي من بدايتها انا امرأة متزوجه وعندي ولد عمره ثلاث سنوات ونص وبنت عمرها اربع شهور
قبل ما اتزوج كان عندي اكزيما بجسمي كله وتابعت بموقع رقيه والحمدلله والمنه تشافيت ونخطبت مره وحده والحمدلله كان معي زميلاتي بالنقل ولا وحده منهن تزوجت بس انا الوحيده الاي في النقل وهن كبار المهم مرة الايام واستانست وحملت بعد زواجي بشهر بولدي ويوم ولدت بولدي جتني وساويس وقلق وخوف و دوخه بسيطه ومرت الايام واقرا واشتغلت ونسيتها الحمدلله وراحت بس صارت مشاكل بعد ولادتي بولدي الاول بيني وبين زوجي والمشكله سببها اني شهوتي قليله مره ومعي جفاف صار زوجي ما يطيقني ودايم مشاكل لين تزوج علي تزوج بشهر 8اللي راح وهو الان مرتاح مع مرته بعد ما خطب زعلت وانضغطت ورحت لهلي ورجعني كنت حامل بنتي هذي لي 4 شهور ورجعتله والحمدلله اخذت شهر عنده وبعدين قلتله بخليك تاخذ راحتك مع مرتك الجديده لين اولد واقوم بالسلامه ورحت عند بيت اهل وهو راح مع مرته وقالو اهلي بنطلع نتمشى ونبيك تروحين معنا كان وقتها ما احس بشي حمدلله وضعي طبيعي بس عندي التهاب شديد اعزكم الله بالبول وهذا يجي كل وحده حامل والاكزيما راجعه علي بجسمي قلت برجع للرقيه وارقي نفسي وارقيت نفسي بس يوم سافرنا نتمشى تركتها ولا واظبت عليها زين لانه كان معانا عوائل بشقه وحده الحمدلله مستانسه مابي شي بس هنا المشكله وللحين اعاني منها رحنا للسوق واتمشى مع اهلي واقضي مع امي هدايا وانا حامل بشهري الخامس وامشي وراي أخوي ومرته ويمشون على شوي شوي وانا سريعه انا وامي وفجأه يجيني دوار خفيف واوقف شوي واجلس جنب المحل وتمسنكي أمي وجاني معها قلق شديد وخوف مررره اكثر شي اللي فيني قلق وخوف ومن الخوف عظامي راحت ترتجف كأني بطيح وأمي ترجعني بالسياره ويعطوني عصير وايعطوني شي أكله بس ما راحت وبعدها اخذت كم يوم وانا على هذي الحاله خوف وقلق وما عندي توازن وتغير لون وجهي ودوني للمستشفى ما فيني شي واخذو شقه لحالنا وخلوني فيها مع ولدي وبنت اخوي بالشقه وراحو يصلون بالحرم وارجعو وبعدها قلتلهم بنرجع خلاص ما عاد اتحمل ووقت تمشيتنا وقت زواج زوجي بمرته الثانيه والناس اللي معنا كل يناظر فيني وانا حاطه نفسي ما اهتميت بزواجه وبعدها دخت بالسوق وجاني هالحاله والا اللحين وانا ذابحتي ما عندي توازن اخاف اني اطيح قدام احد وقلق وخوف ووساويس وخايفه على بنتي وولدي وما عاد اروح لاحد ولا عاد اطلع ولا اروح للسوق والمستشفى كرهتها قلت بعد الولاده بتحسن ولا راحت عني وانا اللحين مواظبه على سماع الرقيه ثلاث مرات باليوم وماء قريت فيه بس امسح وجهي وويديني وبرمضان واظبت على سورة البقره شهر كامل واستغفر الف واكثر واتهجد بالليل تحسنت اشوا من بعد ما جينا من السفر بس اللحين خففت الرقيه بس مرتين وماء بس بوجهي ويديني وراجعه لي الدوخه وعدم التوازن اكره الجمعات واكره الازعاج يزيد معاي وواليوم بالعيد تاثرت رجعت لزوجي قبل يومين وجاني واستحيت منه جفاف ما قدر يجيني ويوم العيد يالله اسلم على الناس ما عندي توازن واهمل ولدي وبنتي اكتبلك ياشيخ وادموعي بعيوني ارجو من الله ثم منكم *تساعدوني الله يجزاكم خير*
عندي اكزيما بجسمي كله ولاني متوفقه بحياتي الزوجيه وكل شي وساويس وعزله احب الوحده اكره المجمعات زوجي معاد يجيني مثل قبل كرهت نفسي اخاف من كل شي ولا كملت دراستي انا الوحيده اللي بين خواتي كذا كلهن كملن دراستهن ومتوفقات بحياتهن
|
02-02-2013, 02:01 PM
