اخاف انحرف

اخاف انحرف

نفسيتي جدا تعبانه من تخرجت لاني كنت مأجلة احلامي لبعد التخرج وماكانت مجرد احلام كانت اهداف كنت اقنع نفسي انه ان شاء الله بيجي العريس او الوظيفة او اكمل دراستي للماجستير بس طبعا الوظايف مافيه الا برواتب جدا سيئة نص الراتب بيروح للسواق اللي يودي ويجيب لا ومختلطه بعد يعني سيئه من كل النواحي

والدراسة مافيه امل حاولت بكل السبل يبيلي واسطة قويةةة

والعريس مو بيدي يعني اروح اخطب انا ؟؟ ولا اوفق على واحد متزوج ابوي يقول مو ناقصك شيء لاتستعجلين


الروتين قتلني الايام تتشابه طول وقتي اهرب بالنووووم او ابكي فيني ضيقة

احب الاطفال قلبي يتقطع عجزت اقنع اهلي نكفل يتيم من الدار مو راضيين


احسني مكسووورة زائدة على الحياة مالي داعي وجودي ماله هدف ولا قيمة



سعيت للوظيفة بالللي اقدرررر تعبت وخساير سواقين رايح جاي ذبيت وجهي عند فلانه وعلانه



طبخي مو حلو مقدر اسوي مشروع صغير ولا اعرف البس اعتمد على ذوق اختي ولا اتمنى لو اعرف اصممم

عجوز وللحين اشحذ مصروفي شحاذه , الفراع العاطفي ذبحني بمعنى الكلمه قطعني تقطيع



اكره حياتي احس انتهت فترة صلاحيتي


مدري قدرت اوصلكم اللي احس فيه او لا



شيء يذبح ويتعبني الايام تتشابه


محتاجه نصايحكم لو مكاني وش تسووون ؟؟



بالنسبة للدورات اخذ بين فترة والثانيه بس اولها واخرها دورات تنتهي وماتضيف لي الكثير






انا مشكلتي الرغبة الغريزية للامومة واحتياجي لرجل بحياتي يكسررررني اكثر شيء اخاف انحرف

المصدر: نفساني

طبعا مشكلتي ماعندي استعداد اتزوج واحد اقل مني خاصة انه تخسرت خساير مادية كبيرره ونفسيا وجسديا على عمليات الشفط والنحت والشد الخ يعني وصلت لجسم احلا من مريام فارس وهيفاء بس وش الفايدة انا اسوي كل هذا عشان اتزوج انسان يستحقني بحكم ان الناس اللان تبحث عن القشور ووقريت كتب لين قلت بس مو عشان الناس لا بس لاني احب هالشيء ودرست فرنسي سويت كل شيء عشان اكون قريبة للكمال بس تعبت من الانتظار تعبت من كل شيء مليت

تحية طيبه وبعد اختي العزيزه نقدر ظروفك ونشعر بمشاعرك لكن لم توضحي اختي كم عمرك الان؟ وكيف عرفتي ان صلاحيتك انتهت؟ ان الفراغ العاطفي كما تقولي والوحده هي اساس مشكلتك .... ثم هل تعتقدي ان مفهومك عن الجمال صحيح؟ صحيح ان الناس تبحث عن القشور لكن اذا شبع من المظهر يمكن ان يشفع له المخبر......... ادعوك اولا الى الحصول على وظيفه ولو صغيره تناسبك وان شاء الله تجدين ....حتي تغيري وضع الراهن ثم رزقك مكتوب لك والله يختار لك الخير اينما كنت فالله هو اهل الخير............ اعرف من استشاراتي ان هنالك نساء كثر صبرن سنوات حتي اتاهم الرجل الصالح بعد الدعاء والاستغفار ...........اسال الله العظيم ان يوفقك لكل خير وان تجعلي في عقلك كل فكره تقدمك وتطرحي كل سلبي ... ودمتم بود

عمري 27 القصة مو قصة وظيفة قصة أنه تنعرض علي وظيفة براتب سيء على الرغم من شهادتي وتخصصي،المطلوب بسوق العمل لكن كل شيء محتاج واسطة. حتى الوظايف،اللي جتني،جتني عشان شكلي، ليش.لانه مجال العمل اختلاط واكون عجبت مدير الموارد البشرية يعني كأنهم يقولون لي دراستك كل هالسنولت ماتسوى،شيء. انتي مجرد شكل ندعم نتفرج عليه ومنها نزيد،السعوده إحساس انك ماتسوى شيء متعب،

اختي العزيزه كلامك صحيح بس الواحد منا اذا كان لديه ان كل شي بواسطه لما تعب احد للحصول على وظيفه ........... هل كل الذين يحصلون الان على عمل تمت بواسطه؟ اقصد ان حصلتي على عمل يناسبك ولو باقل من طمواحتك في الوقت الراهن فهذا شي حسن الهدف الان ان تتخلصي من الوحده والفراغ ........ ودمتم بود