اللي فيني موهلع

اللي فيني موهلع

السلام عليكم..
اليوم من اول ماصحيت ابي أسوي لي فطور احس موقادرة امشي بطيح وقلبي فجأة بيوقف
يا جماعة انا الحين بسس ابي احد يقولي أنتيب فيك هلع بتطمن!! لان حاسة ان الي فيني مرض او راح أموت
للعلم ان هذا الشعور جانب اول ما قمت والحين قبل النوم بس لما جتني صديقتي شربت قهوة وبيبسي واجد هل له علاقة? لان هو من الصباح جايني بس الحين اكثر.. اتمنى محد يبخل علي تكفون علموني لان جد احس اني غير عنكم ما أعاني نفس اللي تعاون نه
هذا الي زاد الشك ان الي فينب مو نفسي ذبحنا ربط كل شي بالموت وأحسني بموت وضيق التنفس ونفس أمس نمت بصعوبة
بسبب ان قلبي يدق بسرعة من غير سبب والحين احس ان تنفسي إرادي ومااقدر ابلع ريفي وعلى وشك اول لمرحلة الي من كثر صعوبة البلع
أخاف ابلع! أخاف الأكل يوقف واختنق.. والله اني تعبت
الله يريح اللي يطمني ويقول الي فيني بالضبط ايش وكيف أتخلص!!!

المصدر: نفساني

الي فيك هلع 100%
ما اقولك عشان اطمنك
هذا واقع

اللي فيك شيء نفسي نوبات قلق وهلع .. والسبب هو كثرة تفكيرك في الأعراض .. والدليل إنه بحمد الله ما صار لك شيء .. ومع خوفك مع البلع أنتي تبلعين .. ومع صعوبة التنفس انتي الحمد لله تنفسين .. وحتى لو كتمتي نفسك بنفسك راح تتنفسين غصب عنك بإذن الله .. هذي كلها أعراض القلق وكل الأخوان والأخوات هنا مرت عليهم .. وكلها أوهام ووساوس حنا كبرناها بتفكيرنا السلبي لين سيطرت علينا .. والشاي والبيبسي تحتوي الكافيين وهو من الأشياء المثيرة للقلق وسرعة دقات القلب إذا شربت بكثرة ..

عموماً نصيحتي لك .. هو مراجعة أي مستوصف عادي .. وعمل فحص لفيتامين د وكذلك الغدة الدرقية وفيتامين ب .. وإذا كانت بإذن الله سليمة التوجه إلى العيادة النفسية وشرح الأعراض للطبيب .. ويفضل اكيد يكون استشاري معروف .. وممكن يحولك لأخصائي لعمل جلسات بدون علاج .. أو يبدأ معك بالأدوية النفسية .. ولا قدامك إلا العافية بإذن الله ..

اختي الوردة البنفسجية

من خلال قراءتي لمشكلتك أتضح لي أن ما تعانين منه مرتبط ارتباط وثيق بأعراض اضطراب الهلع أو ما يعرف أيضاً بالفزع .... والسبب الرئيسي اللي أدى لنوبة الهلع اللي حسيتي فيها هو كثرة شربك للمنبهات والعصيرات الغازية
عزيزتي، عودي نفسك أن تمتنعي عن شرب المنبهات قبل موعد نومك على الأقل بست ساعات ... وحاولي برضو ما تكثرين قهوة وشاي .. ولا تخلطين العصيرات بشيء آخر لأن المعدة لا تتحمل خلط المشروبات والمأكولات
وبصراحة أبي أفيدك بشيء إذا إنك مدمنة شاي أو كوفي ... أنا للأمانه مدمن كوفي ... يومياً لازم أشرب مالا يقل عن كوبين حجم كبير كوفي من ستاربكس ... وكانت تجيني النوبة بشكل فضيع مرعب ... لكن الحمد لله الآن صرت أشرب كوفي وشاي خالي من مادة الكافيين ... لذلك، أنصحك إذا إنك مدمنة شاي أو كوفي إنك تشترين منتجات الكوفي أو الشاي الخالية من مادة الكافيين ... تعطيك نفس طعم الكوفي العادي لكن منزوعة المادة المنشطة ألا وهي الكافيين

تقبلي مروري

الله يعطيكم العافية ويرفع قدركم ويطمنكم زي ماطمنتوني..
ابو لطيفة انا من فترة عملت تحليل دم والحمدلله مافيني نقص فيتامين او شيء!
وبالنسبة للعيادات النفسية شيء صعب عندنا وفجاة تقول لاهلك عن الي فيك وابي طبيب نفسي
جدا صعب وهذا الي متعبني ومرا قلت ورفضووا
اخوي خرافي انا احب الكوفي لكن مومدمنته لان الخوف غلب علي يعنني لما قريت انه يهيج ويزيد من القلق
والهلع تركته وصرت نااادرا اشرب استبدله بالبابونج والاعشاب يعني مااشرب الا في المناسبات..
لكني اعشق الكولا واشربه كثير والحمدلله مااشوف تجيني النوبة قوية لان لحاله بعكس امس
شربت كثيير وورا بعض قهوة وشاي وببسي اذا كلهم بنفس الوقت وبكميات كبيرة يزيد وانا للاسف راح عن بالي..

انتي نفس اعراضي بالضضضضضضضضبط والله العظيم