هل السيبرالكس ينفع للرهاب الخفيف - المتوسط ؟

هل السيبرالكس ينفع للرهاب الخفيف - المتوسط ؟

سلام عليكم

أنا شخص من طفولتي ولدي اعراض بسيطة من خجل الى خوف الى ضعف شخصية بشكل عام ولست مثل اقراني الاطفال .. تحاملت على الموضوع لين وصلت لوظيفة ومسئولية كبيرة تتطلب مني جرأة وثقة في النفس عالية

رهابي متوسط .. بمعنى استطيع التحدث الى شخص او شصخين مع اعراض توتر بسيطة نوعاً .. واطلع طلعات واستراحات وجمعات شباب لكن فيه نسبة توتر بسيطة .. الالقاء امام جمهور حاجة مستحيلة بالنسبة لي .. المقابلات الشخصية اجد صعوبه في التحدث وكأني في جلسة تحقيق .. هذا الموضوع اثر علي وصار لدي اكتئاب خفيف

ذهبت لدكتور في منطقتي .. وصف لي سيبرالكس 10 ملجم في اليوم لمدة 14 يوم وبعدها ارفع الجرعه الى 20 ..
وقال لي ابدأ العلاج السلوكي بالجلسات وتاخذ الدواء كلها مع بعض

للأمانة تخوفت من السيبرالكس مع انه طمني لكن لازلت متخوف ..
وقلت له ودي ابدأ بجلسات بدون سيبرالكس وعقاقير اضمن لي ( ماني خسران شي ) قال لا استخدمها كلها الاثنين .. احترت في كلامه .. ولازلت في حيرة هل اشتري الدواء او لا



وهل ينفع العلاج السلوكي بدون عقاقير
وكم نسبة نجاح العلاج بالنسبة لحالتي ؟ هل في ناس تخلصوا من الرهاب نهائياً بالعيادات النفسيه ؟

المصدر: نفساني

مرحبا اخوي
والله بقولك نصيحه من كل قلبي ابتعد عن الادويه نهائياً
الموضوع كله افكار تحتاج الى تعديل وتغيير صدقني مافيه اي حاجه للعلاج

انا في شهر 8 الماضي راجعت دكتوره صحه نفسيه وصرفت لي علاج سيروكاست اعتقد اسمه ، ولكن الحمد لله والشكر كلمت دكتور اخر بخصوص العلاج وقالي ما يحتاج علاجات المهم هو العلاج السلوكي

والان اشكر الله واحمد حمدا كثيرا طيبا لاني ما استعملت العلاج وتحسنت بنسبه كبيره عن السابق.

نصيحتي لك : والله لو تاكل علاج والافكار ما زالت بعقلك الباطن صدقني ما راح يتغير شي ، حاول تغير من افكارك بدون اي ادوية! ياخي جرب مانت خسران شي على قولتك !
عملية تغيير بعض الافكار السلبية يحتاج وقت لا تتوقع النتيجه بيوم وليله

خذ السيبرالكس يارجال مارايح يضرك تقدر تتركه بدون اعراض انسحابيه علاج نقي سليم ماله اعراض جانبيه وينفع للرهاب بنسبة كبيرة لانه اصلاَ يعالج القلق والرهاب هو قلق بالاساس نصيحه توكل على الله وخذه ومفعوله يبي له وقت مايظهر لكن طول بالك انت شوي

عن تجربة لا تجرب مضادات الاكتئاب والرهاب والقلق وكل شي له علاقه بالنفسية والمخ.... مثل ما قال الاخ (معلم صاحب تجربه) ما دام امورك طيبه وتروح وتطلع ولك اصحاب وظيفة الحمدالله لا تخاطر بصحتك وراحتك عشان بس انك ترتقي بوظيفتك.... تروح السنين وتتحول للتقاعد ناس وصلة مرتبة وزير واخر شي قعد في بيته نجاحاته صارت ماضي واصدقاء الوظيفه والمصلحه خلوه..... شوف نفسك وشخصيتك راح تجد اشياء كثيرة حلوه فيك يحبونها اللي حولك.....
عن تجربة عشر سنين مع مضادات الاكتئاب والقلق راح تخربط حياتك وتنسى شكل حياتك وكيف كنت عايش قبل ما تاخذ الادوية

وشكراا

بالنسبة لتجربتي للسبراليكس نفعني في الرهاب البسيط نوعاً ما لكن مااعطاني جرأه ممكن لان جرعتي 10 لم ازدها ل 20
بالنسبه للسبراليكس جربه والعلاج هذا سليم موخطير بحسب كلام الأطباء
أنا من ناحيتي افادني في القلق وربع الرهاب تقريبا راح بس لازم ازيد الجرعه
والله الشافي حط ببالك ان هذا سبب واطلب من الله يشفيك ولاتتكل على العلاج فقط.

امرنا لله وراح نبدا بالعلاج السلوكي ..
واذا مانفع العلاج السلوكي .. وش نسوي هذا قدرنا .. مالنا غير البيت والعزلة