بعد زيارة طبيب القلب

بعد زيارة طبيب القلب

السلام عليكم
بسبب مشكلة زيادة كهرباء القلب( الخفقان السريع)
بعد زيادة الطبيب
شاف التخطيط فيوقت زيادة الخفقان قال انت مشكلتك واضحة
خلك علي كنكور 5 واذا بغيت تسوي عملية القسطرة تعال
فكر علي مهلك وشف الوقت اللي يناسب

المشكلة الحين في كنكور جاب لي خمول وانخفاض في الضغط

والله اني كنت مرتاح قبل استخدمه ، لكن الشكوى لله

انا اللي وهقت نفسي وقفت الباروكسات وجت عكسية ضدي

لكن الحمدلله علي كل حال

المصدر: نفساني

اترك طبيب القلب عنك والله يهبل بك مابك الا قلق ارجع للسيروكسات وعش حياتك

انا عكسك رحت لدكتور بداية الهلع طبعا هو دكتور عام بس عرف المشكلة على طول وعطاني كونكور 5 ولوبرا

اول مااخذت الكونكور احس ارتحت مرررة بس من بكرا للاسف صار يجيني مثل النبضات القوية تجي كم نبضة وتروح وانا ماكنت ادري ان هالحبوب للقلب يوم قريت الروشته وارميه ولاعاد اخذته واستمريت على الوبرا اسبوع وتركته شهر


وجاتني الحالة بعدها اقوى اخر شي رحت لطبيبة نفسية وصرفت لي الباروكسات واندرال

والله يعين ويشفينا اجمعين

اتا مثلك اخي عندي كهرباء القلب واعطاني كونكور 2،5 بس جرعتك عاليه
بصراحه تركتها لان ايضا سببت لي هبوط قوي بالضغط والان انا على الادويه النفسيه

الله يجزاكم خير جميعا
اختي ساره ايش نوع كهرباء القلب اللي معك ؟
وش الادوية اللي تاخذينها الحين؟

بعد ماوصل النبض 220 تقريبا وشاف الدكتور التخطيط
قال هذي نوعها SVT
وسبق و قالوا لي عندك هالمشكله في 2012

اهلين انا إظهار كلش جربته سبق لي واستخدمت كونكور بس اللي أقل منه 2.5 المهم في البدايه سحر رهيب بس بعدها بأيام خمول شديد وثم بديت تتعب من أقل مجهود ثم كتمه طبعا وقفت بشكل تدريجي مع انو استخدامي أقل من شهر لانو للمعلوميه يمنع منعا باتا التوقف عن حاصرات بيتا كلها بما فيها اندرال فجأه لانو احتمال تسبب نوبه قلبيه معروف هالشي وموجود بالبشره حقت العلاج كونكور مهم جدا يااخي مغترب لحالتك انت فيه زياده مفاجاه قويه بالنبض يعني ترا الشغله معليش فيه مشكله عضويه وحالتك هذه مثل الوالده عندي خيرها الدكتور من عمليه قسطرة للكي عشان يقطع جزء من الكهرب بالقلب وترجع طبيعي أو الاستمرار ع كونكور بس صدقني دكتورك ذا جيد مشا ألله عليه وع فكره دكتور الوالده كان في ألمانيا وويقول لي ع الحاله معروفه تسارع أما اذنيني أو بالبطين معك العافيه انشالله الموضوع مش صعب

الله يجزاك خير يا محب للجميع

ثلاثة اطباء قلب اللي شافوا التخطيط وقت المشكلة
2 في السعودية وواحد في بريطانيا
وكلهم قالوا لازم قسطرة

المشكلة في الكنكور الجرعة كبيرة واتعبتني
صارفها لي طوراي مدينة الملك فهد ( الله لا يعطيهم عافية )

طيب وش سوت الله الوالدة الله يحفظها

الحقيقه والصراحة انت الإشكالية عندك 220 ترا زايد شوي لا تهلع اخوي الوالده من فتره طويله ع الكونكور نفس الدوز حقك
ما ابي تخاف اخوي دا أهم شي بس المشكله عضويه بامتياز هل ركبت هوتلر واذا ماركبت سوه مهم جدا وبرضو تذكرت واحد شاب في الثلاثين الحمد لله طاب واعرف زينه عز المعرفه وتذكر هل مع التسارع دوخه اما لا ترا هالاسئله متأكد مليون بالميه سألك الدكتور عنها العمليه يقولون سهله يسون كي بسيط يسبب في عوده الكهرباء الطبيعه لك انت بعدك شاب لا تخاف الموضوع مقدور عليه

لا تدعي عليهم حرام بالعكس انت لو تعرف اهميه الكونكور لك ما فكيته انت لو ساعه معليش أصبر عليه ترا الشغله مهمه وافهما! !

اخوي محب للجميع
الله يجزاك خير وماقصرت

بالنسبة لعدد النبض فهو عاااااالي جدا

والحمدلله لما يجيني الخفقان ماتجيني اي اعراض جسديه سوا ان جسمي يشد بالذات في الظهر
ولا يوجد اي اعراض ثانيه بفضل الله
النفسية الخوف والهلع والتوتر

صدقني طبيب القلب يراها عضويه
وطبيب النفسي يراها نفسية

دخلت في نقاش مع الطبيب النفسي
قال فيه شي اسمه السبب والنتيجة
من اللي مسبب الخفقان محد عارف
هنا اقول لك كلام سليم ومنطقي

وسبق ان قريت دراسةامريكية ان اغلب اللي عملوا قسطرة قلب وعندهم نوبات هلع قلوبهم سليمه

بالنسبة للدعاء عليهم المدينة بغيت افقد حياتي بسببهم
الله لايوفقهم لا هم ولا القائمين عليه ( استهتار بحياة الناس)

الله يشفيك ويشفينا الصراحه عذاب بس الحمدالله وكلام الدكتور النفسي صح والقلب برضو صح لنفرض انو السبب نفسي وهل الأمراض النفسيه ما تسبب أمراض جسديه؟؟ إذا دكتور وأكثر من دكتور أكد لك أنها مشكله فصدقني واجها أفضل لك أحل وهي بسيطه احسن من تكبر انت فاهم وتقرأ انا قريت عن الرجفان كثير ترا مرض معروف وأسبابه لصغار السن مجهولة بس انا ارى انو الطبيب القلب أفهم ترا انت بعد أفضل شخصوك بس فيه ناس يجلسون مده طويله وهم ينتظرون لحظه التسارع عشان يشفون مصدرها الرجال الي قلت لك عجزوا يصيدوناها ههه إلا بعد ما ركبوا جهاز يصدره 72ساعه لين صادوها وانت قالوا تسارع بطيني واضح عاد انت بعدين خبرنا وش يصير معك جزاك الله خير عشان الفائده تعم وشكرا

اخي الامر بسيط جدا ولا داعي للقلق انت لديك تسارع القلب فوق البطيني (AVNRT) هو أحد أنواع تسرع القلب فوق البطيني (SVT)؛ فهو عبارة عن تسرع نظم القلب الذي ينتج من أعلى بطينا القلب. فهو أكثر أنواع تسرع القلب فوق البطيني شيوعًا، فغالبًا ما يحدث بشكل كبير عند النساء. قد يحدث في الطفولة ولكنه غالبًا ما يكتشف عند المرضى في العشرينات والثلاثينات من العمر.

فقط اخبر الطبيب ان يخفض جرعة الكونكور وامورك طيبه ان شاء الله
واذا كان يضايقك التسارع ف اخر العلاج هو الكي بالقسطرة والامر بسيط جدا جدا جدا

ممكن اعرف يامهتلع نوبة تسارع النبضات اللي تجيك كم مدتها؟ يعني النوبه الوحده كم؟ دقيقه مثلا؟ وهل تحس احيانا بنبضه قويه تجي كذا لحالها؟

السلام عليكم
أخي الكريم ..لا اصحك بعمل اي عمليه قسطره او غيره
كهرباء القلب علاجها ..أما بصدمه كهربائيه ..اوبلادويه
والدكتور الي يقولك سوي قسطره هذا جاهل
في علم القلب ..لا تعطيه اي اهتمام .. كهرباء القلب
شئ بسيط بس الخوف من هذا الشي هو الذي يسبب
المزيد من الخفقان ..
انا اقولك شي انا استعملته يوم كان عندي خفقان
احس قلبي يبغا يطلع من القفص الصدري
حتى الصدر يتحرك من قو الخفقان
وذهبت الي المشفى أستشاري سعودي
لم يقل قسطره ولا شي بعد عمل هلتر
قال هذا شي ..ممكن تتخطاه .
اخي الكريم اصحك بشده بعدم عمل اي عمليه
حتى لو روجولك بانها سهله .
وانظر الي مابعد العمليه سوف تدخل
في دوامه كبيره ..لا اعرف احد سوى
عمليه وذكرها بخير ...أقراء عن أضرار
القسطره .
انصحك ب ثوم تخلطه مع ليمون
ثلاث مرات في اليوم ..
عدم التدخين
الكفائين شاي قهوه مافيه
خذ حبة السبرين اطفال يوميا
المشي يوميا 30 دقيه

تحياتي لك

المشاركة الأصلية كتبت بواسطة مهتلع ومغترب

الله يجزاكم خير جميعا
اختي ساره ايش نوع كهرباء القلب اللي معك ؟
وش الادوية اللي تاخذينها الحين؟

بعد ماوصل النبض 220 تقريبا وشاف الدكتور التخطيط
قال هذي نوعها SVT
وسبق و قالوا لي عندك هالمشكله في 2012

والله اخي ما اعرف نوعها بصراحه بس لما عملت التخطيط الدكتور قالي
الان اخي اخذ زولفت وزيبركسا
انت الان تاخذ علاج نفسي لو مستمر على الكونكور