انا خلاص استخفيت يا بشر ^^ باركو لي

انا خلاص استخفيت يا بشر ^^ باركو لي

السلام عليكم

صراحه انا في بدايه ذا الحقيره نوبات الهلع كنت خايفه واو بموت اوكيه بطقاق وأذا مت !! عادي عادي عادي

بس الكريزما حقتي صارت في القاع '( طحت من عين نفسي بكيت قدام الي يسوى وما يسوى

ضعفت انكسرت مت باليوم الف مره هففففففففف

انا ما عمري بينت لأحد ضيقي حزني وبسبب ذا التافهه الهلع صرت مفضوحه الله لا يبتلينا كاني مجنونه ونفسيه هففف


واليوم وانا نايمه احس بهواء عند ظهري واستغرب المكيف اتجاهه قدامي شلون الهواء احس به من ضهري مو وجهي

الزبده وأنا في وسط نومي افتح عيوني أطالع الجبس اقصد السقف وكأني أشوف شي ابيض عز الله استخفيتي يا دلول

ولا قبل يومني بنومتي كنت احاول أقرى الزبده وافتح كويس عيوني أشوف زي الغيمه الله يأخذها من غيمه شلون دخلت غرفتي !!

لا تقولون حلم لا انا صاحيه مبققه عيوني حيل بهذي التافهه بس ما خفت إيزي

وأكملت نومي نومه ما قمت الا الساعه تسع بالليل



الزبده ذا هبال ولا فلم مرعب على. ان بي سي 2 بنص الليل

هفف وع قرف لوعت كبد شذا الحاله التافهه الي وصلت لها جد جد جد

خلاص انا تمردغت بتراب من طيحت الوجه قدام نفسي هف هف


ادري مواضيعي اكثر من مواضيع صاحب المنتدى بس كيفي :) اسمعوني من أنتم دكاتره نفسين

المصدر: نفساني

يازين سوالفك دلول تذكريني باختي الصغيرة


عادي عادي ياما جتنا نوبات وخياﻻت والحمد لله للحين عايشين

انا وصلت مرحله إني اراقب نفسي يعني يالله تعال يالهلع ...حاله سقيمه


طنشي بس وانا اختك

اووووماااا الغيمه ههههه ذي غيمتي وش وداها عندك دايم اشوفها لدرجة اني افقدها اذا بطت علي هههههههههه والله تنفقد

المشاركة الأصلية كتبت بواسطة نعمة النسيان

يازين سوالفك دلول تذكريني باختي الصغيرة


عادي عادي ياما جتنا نوبات وخياﻻت والحمد لله للحين عايشين

انا وصلت مرحله إني اراقب نفسي يعني يالله تعال يالهلع ...حاله سقيمه


طنشي بس وانا اختك

يعني موب جني !! والله لوه جني او عفريت كان مردغته الوصخ

اذا أختك نفسي عز الله راح مستقبلها بسم الله عليها

') من جد حاله سقيمه من قلب


بطنشه الوصخ

المشاركة الأصلية كتبت بواسطة ام شجاع

اووووماااا الغيمه ههههه ذي غيمتي وش وداها عندك دايم اشوفها لدرجة اني افقدها اذا بطت علي هههههههههه والله تنفقد

قولي قصم يا مره !!! طيب تعالي تربعي شوي

ذلحين الغيمة حقتك شلون قايله

انا أشوفها وانا نايمه احسب عيوني فيها بلا بس يوم صحصحت شفتها بيضاء تحوس بسقف ثم اختفت والله غيمه

مو خيال لا غيمه غيمه فهمتي هفف


قبل أشوف افلام رعب وقراء حوجن شكل حياتي صارت فلم رعب على ذا الحاله يا رب صبرك ')

جد جد يا نفسيات يا جميلين ذا جني ولا وشو !! قصم قبل انخرش لا جلست بغرفتي احس احد معي وأحيان وانا نايمه احس نفسي ينقطع

كل ذا من كثر النفسية الي فيني ولا سكني !! اذا سكني جننته ثم اعرف أسبابه وكيذا بعدين أحرقه بالقران

ايه هو الي جناء على نفسه لوع كبدي وش اسوي له والله

بس مثلا حرقته بالقران أخاف أمه وأهله يجون يذبحوني

بس بطقاق يحرقهم اهم بعد ادري اني استخفيت على الأخير


الزبده أحسن شي بذا الحاله ان المجنون ليس عليه حرج ههههههههههههههه


الله يخارجنا ما وصلت لشيخوخه عشان استخف ويجييني زهايمر

بس عادي أصلان حياة المجانين فله

عادي يا دلال هذي بعض الاضطرابات تاخذ وقتها تروح
الصبر ثم الصبر

المشاركة الأصلية كتبت بواسطة زهــور

عادي يا دلال هذي بعض الاضطرابات تاخذ وقتها تروح
الصبر ثم الصبر

متى تروح بضبط !؟! اذا مت !! انتحر مثلا ؟؟

ان شاءالله دوم تكوني بخير اخت دلال

ربي يعافيكي من كل شيء يضايقك

وحمداً لله على سلامتك

ومبارك انك خفيتي :)

المشاركة الأصلية كتبت بواسطة دلال سالم

متى تروح بضبط !؟! اذا مت !! انتحر مثلا ؟؟

الإنتحار ليس حل بل هو مشكله بحد ذاتها
انتي بحاجه لأخصائية علاج سلوكي وستكونين على خير ما يرام ان شاء الله

اختي دلال
في موضوع اسمه قصتي مع الهلع
كتبت فيه قصتي من البدايه
وهو قديم شوي ....نفضت عنه الغبار عشان تقرينه يمكن يفيدج لأنها تجربه شخصيه
تحياتي

يادلال هدي نفسك ولا تدققين على كل شي واضح انك مصدومه من اللي انتي فيه
اذا دققتي على كل شي حتتعبي اكثر. ركزي على العلاج
والله يشفينا

عادي اكتبي وفضفضي خذي راحتك ع الاخر , فالانسان لوحده ضعيف ومع الناس يتقوى وقبل كذا مع الله راح يكون اقوى و اقوى

ثقي بالله واعملي المطلوب منك من الله , ومثل ما قلت لك لا تضغطين على نفسك خليك وسط اعملي اللي تقدرين عليه (لايكلف الله نفسا الا وسعها)

انتي تحتاجين معالجه عند اخصائيه سلوك , بما انك في البدايات باذن الله راح تساعدك الاخصائيه وتتخطين هذي المرحله العصيبه

ايضا ارقي نفسك او خلي امك او ابوك يرقونك او روحي عند راقي يرقيك , يمكن تطفشين وتملين بس ما عليه حاولي تصبرين لان ما بعد العسر الا اليسر وهذي سنه الحياه

من ناحيه الادويه النفسيه انا ارى انك ما تحتاجين لها باذن الله واكيد انتي عارفه عن اضرارها وان ضررها اكبر من نفعها

خذي لك زيت زيتون من السوبر ماركت اسمه كوبوليفيا , واقري فيه ودهني جسمك وباذن الله ما يطول تعبك , ولا تضغطين على نفسك من ناحيه الدين خليك وسط كما قلت لك

ازمه و تعدي باذن الله ولا تنسين ان مع العسر يسرا

اكثري من الاستغفار

الله يعافيك ويفرج همك

احس كاني لحالي

احس اني سيئة جداً احس قنطت من الدين

احس ربي ما يحبني عشان كيذا انا أخاف

لآني قبل ما أخاف منه كنت احب ربي بس ماكنت اطيعه

حتى ذلحين مو مره اطيعه

ادري انا بيصير قبري ضيق وبيعذبني الله

وبعيش أهوال يوم القيامه وعذب وكيذا

انا خلاص متقبله الي يصير

متقبله ضيق القبر مع اني أخاف منه ومن ضلامه


انا ما بيدي شي استسلمت لكل شي لآني ضعيفه إيمان قبل

وما رجعت لربي الا يوم خفت !!

قبل ذا التعب بفتره كنت بمكه اذكر دعيت ان الله يهديني وكان في نفسي وانا ادعي شلون بنهدي انا أصلان !! يبي لي شي يسنعني عشان أتوب

أتوقع ذا الشي بسبب دعائي بالحرم



صرت غريبه عن نفسي كثير الأشياء والأشخاص الي احبهم ما عاد أحبهم وكأني مغيبه عن الدنيا

وكأني أفكر بالأمم والخلق وكأني احتقر عمرنا الإنساني وانا نموت بسرعه

الزبده إيزي الدنيا تررللي اصلان